Kreml ókili Dmitrii Peskov Resei prezidenti Vladimir Pýtin men Ýkraina prezidenti Vladimir Zelenskiidiń kezdesý yqtimaldylyǵyna qatysty málimdeme jasady, dep habarlaidy Dalanews.kz.
RIA Novosti agenttiginiń habarlaýynsha, Resei prezidentiniń baspasóz hatshysy Vladimir Pýtin men Vladimir Zelenskiidiń kezdesýi eki el delegatsiialarynyń belgili bir kelisimderge qol jetkizgen kezde múmkin bolatynyn aitqan.
"Eki eldiń, Ýkraina men Resei prezidentteriniń, Zelenskii men Pýtinniń kezdesý múmkindigine qatysty kóptegen suraq kelip túsýde. Mundai kezdesý eki tarap delegatsiialarynyń jumysynyń nátijesinde belgili bir ýaǵdalastyqtarǵa qol jetkizilgen kezde múmkin bolady. Ondai jaǵdai ábden múmkin dep sanaimyz. Biraq bul eki taraptyń kelisimderi túrinde belgili bir nátijelerge qol jetkizgennen keiin", - dedi Dmitrii Peskov.
Peskovtyń kelissózderge qatysty ózge málimdemeleri mynalardy qamtydy:
- Ýkraina máselesin retteý boiynsha jumys endi bastaldy, ol jalǵasyn tabatyn bolady.
- Resei delegatsiiasynyń quramyn ózgertý týraly sóz joq.
- Máskeý men Kiev atysty toqtatý sharttarynyń tizimiderimen almasýǵa kelisti, jumystar júrgizilýde.
- Resei men Ýkrainanyń kelissózderi júrip jatyr jáne ol jabyq rejimde júrýi kerek.
- Kelissózderdiń kelesi kezeńine deiin qol jetkizilgen kelisimderdi oryndaý qajet.
- Ystambuldaǵy kelissózderen keiin Resei men AQSh basshylary bailanysqa shyqqan joq.
- Kreml Pýtin men Tramp telefon arqyly sóilesýge niet tanytyp jatsa, bul týraly kópshilikti habardar etedi.
Aita ketsek, kúni keshe Ystambulda Resei men Ýkrainanyń kelissózderi ótti. Buǵan deiin Vladimir Zelenskii Túrkiiadaǵy kelissózderde Pýtinmen jeke kezdeskisi keletinin aitqan. Nátijesinde qos delegatsiiaǵa da memleket basshylary basshylyq etpedi. Pýtin óz delegatsiianyń basshysy retinde óziniń kómekshisi Vladimir Medinskiidi, al Zelenskii Qorǵanys ministri Ýmerovty taǵaiyndady. Kelissózderden keiin Resei men Ýkraina delegatsiialarynyń basshylary óz málimdemelerin jasady. Ile-shala Eýropalyq odaq Resei Federatsiiasyna qarsy ázirlep jatqan buryn-sońdy bolmaǵan keń aýqymdy sanktsiialarǵa qatysty málimetterdi jariialady.
