Astanada ótip jatqan sot protsesinde Perizat Qairattyń telefonynan tabylǵan málimetter jariia etildi. Prokýrordyń aitýynsha, videolardyń birinde 20 myń teńgelik kýpiýralarǵa toly shabadan túsirilgen, dep habarlaidy Dalanews.kz.
Sottaǵy jaryssóz barysynda memlekettik aiyptaýshy Arman Qazeken aiyptalýshy Ǵani Alashbaevanyń pozitsiiasyna qatysty pikir bildirdi.
“Ol jaýap berýden bas tartqanyna qaramastan, onyń ustanymy kúndei anyq: ózin kinásiz dep sanaidy, qyzy Perizat Qairattyń áreketterine eshqandai qatysy joq ekenin aitady. Alaida Perizat Qairattyń telefonynan aqshaǵa toly shabadandy túsirgen video tabyldy. Videoda “Ne aitýǵa bolady? Eń jaqsy jyl. Allaǵa shúkir” degen sózder aitylǵan”, – dedi prokýror.
Buǵan deiin de sotta Perizat Qairattyń telefonynan 10 million teńgeni qushaqtap túsken selfi-sýreti tabylǵany habarlanǵan edi.
Eske salaiyq, prokýrorlar Perizat Qairatqa 10 jyl bas bostandyǵynan aiyrý jazasyn surady.
Al onyń anasy Ǵaini Alashbaeva úshin prokýrorlar 8 jyl bas bostandyǵynan aiyrýdy usyndy.
"Perizat Qairatty kináli dep tanyp, oǵan 10 jyl bas bostandyǵynan aiyrý, múlkin tárkileý, sondai-aq 10 jyl merzimge qaiyrymdylyq úshin qarajat jinaýmen ainalysýǵa tyiym salý jazasyn taǵaiyndaýdy suraimyz", – dedi prokýror.
