استانادا ٶتٸپ جاتقان سوت پروتسەسٸندە پەريزات قايراتتىڭ تەلەفونىنان تابىلعان مەلٸمەتتەر جارييا ەتٸلدٸ. پروكۋروردىڭ ايتۋىنشا, ۆيدەولاردىڭ بٸرٸندە 20 مىڭ تەڭگەلٸك كۋپيۋرالارعا تولى شابادان تٷسٸرٸلگەن, دەپ حابارلايدى Dalanews.kz.
سوتتاعى جارىسسٶز بارىسىندا مەملەكەتتٸك ايىپتاۋشى ارمان قازەكەن ايىپتالۋشى عاني الاشباەۆانىڭ پوزيتسيياسىنا قاتىستى پٸكٸر بٸلدٸردٸ.
“ول جاۋاپ بەرۋدەن باس تارتقانىنا قاراماستان, ونىڭ ۇستانىمى كٷندەي انىق: ٶزٸن كٸنەسٸز دەپ سانايدى, قىزى پەريزات قايراتتىڭ ەرەكەتتەرٸنە ەشقانداي قاتىسى جوق ەكەنٸن ايتادى. الايدا پەريزات قايراتتىڭ تەلەفونىنان اقشاعا تولى شاباداندى تٷسٸرگەن ۆيدەو تابىلدى. ۆيدەودا “نە ايتۋعا بولادى? ەڭ جاقسى جىل. اللاعا شٷكٸر” دەگەن سٶزدەر ايتىلعان”, – دەدٸ پروكۋرور.
بۇعان دەيٸن دە سوتتا پەريزات قايراتتىڭ تەلەفونىنان 10 ميلليون تەڭگەنٸ قۇشاقتاپ تٷسكەن سەلفي-سۋرەتٸ تابىلعانى حابارلانعان ەدٸ.
ەسكە سالايىق, پروكۋرورلار پەريزات قايراتقا 10 جىل باس بوستاندىعىنان ايىرۋ جازاسىن سۇرادى.
ال ونىڭ اناسى عايني الاشباەۆا ٷشٸن پروكۋرورلار 8 جىل باس بوستاندىعىنان ايىرۋدى ۇسىندى.
"پەريزات قايراتتى كٸنەلٸ دەپ تانىپ, وعان 10 جىل باس بوستاندىعىنان ايىرۋ, مٷلكٸن تەركٸلەۋ, سونداي-اق 10 جىل مەرزٸمگە قايىرىمدىلىق ٷشٸن قاراجات جيناۋمەن اينالىسۋعا تىيىم سالۋ جازاسىن تاعايىنداۋدى سۇرايمىز", – دەدٸ پروكۋرور.
