Búgin qoǵam belsendisi Perizat Qairat pen onyń anasy Gaini Alashbaevaǵa qatysty urlyq jáne alaiaqtyq derekteri boiynsha qozǵalǵan qylmystyq is boiynsha sot otyrysy jabyq formatta ótedi, dep habarlaidy Dalanews.kz.
Astana sotynyń baspasóz qyzmeti málimdegendei, otyrys barysynda banktik qupiiasy bar qujattar sekildi qupiia derekter qaralatyndyqtan, protsess kópshilikke ashyq bolmaidy.
Buǵan deiin isti qarap jatqan sýdia Sabyrjan Karimov sot otyrystarynyń kestesin dúisenbi jáne beisenbi kúnderine belgilegen bolatyn. Alaida ótken aptada otyrystar sársenbi, beisenbi jáne juma kúniniń birinshi jartysynda da ótkizildi.
Buǵan deiin sot otyrysynda Qairatqa 200 mln teńge aýdarǵan kompaniianyń ókili Galia Isaeva sóz sóilegen edi. Onyń aitýynsha, sol kezeńde kompaniiany Perizat Qairattyń áleýmettik jelidegi belsendi jarnamasy sendirgen.
Sonymen qatar Jusan Bank Perizat Qairattyń qoryn teksermesten 300 mln teńge aýdarǵany týraly málimdegen edi.
Perizat Qairatqa qatysty úsh epizodtyń birinde ol sý tasqynynan zardap shekkenderge kómek kórsetý úshin shamamen 2,9 mlrd teńge jinap, onyń tek 920 mln teńgesin ǵana maqsatty túrde jumsady dep aiyp taǵyldy.
