بۇگىن قوعام بەلسەندىسى پەريزات قايرات پەن ونىڭ اناسى گايني الاشبايەۆاعا قاتىستى ۇرلىق جانە الاياقتىق دەرەكتەرى بويىنشا قوزعالعان قىلمىستىق ءىس بويىنشا سوت وتىرىسى جابىق فورماتتا وتەدى، دەپ حابارلايدى Dalanews.kz.
استانا سوتىنىڭ باسپا ءسوز قىزمەتى مالىمدەگەندەي، وتىرىس بارىسىندا بانكتىك قۇپياسى بار قۇجاتتار سەكىلدى قۇپيا دەرەكتەر قارالاتىندىقتان، پروسەسس كوپشىلىككە اشىق بولمايدى.
بۇعان دەيىن ءىستى قاراپ جاتقان سۋديا سابىرجان كاريموۆ سوت وتىرىستارىنىڭ كەستەسىن دۇيسەنبى جانە بەيسەنبى كۇندەرىنە بەلگىلەگەن بولاتىن. الايدا وتكەن اپتادا وتىرىستار سارسەنبى، بەيسەنبى جانە جۇما كۇنىنىڭ ءبىرىنشى جارتىسىندا دا وتكىزىلدى.
بۇعان دەيىن سوت وتىرىسىندا قايراتقا 200 ملن تەڭگە اۋدارعان كومپانيانىڭ وكىلى گاليا يسايەۆا ءسوز سويلەگەن ەدى. ونىڭ ايتۋىنشا، سول كەزەڭدە كومپانيانى پەريزات قايراتتىڭ الەۋمەتتىك جەلىدەگى بەلسەندى جارناماسى سەندىرگەن.
سونىمەن قاتار Jusan Bank پەريزات قايراتتىڭ قورىن تەكسەرمەستەن 300 ملن تەڭگە اۋدارعانى تۋرالى مالىمدەگەن ەدى.
پەريزات قايراتقا قاتىستى ءۇش ەپيزودتىڭ بىرىندە ول سۋ تاسقىنىنان زارداپ شەككەندەرگە كومەك كورسەتۋ ءۇشىن شامامەن 2،9 ملرد تەڭگە جيناپ، ونىڭ تەك 920 ملن تەڭگەسىن عانا ماقساتتى تۇردە جۇمسادى دەپ ايىپ تاعىلدى.
