Perizat Qairatqa qatysty rezonansty is boiynsha sottyń áreketteri qoǵam men BAQ ókilderi arasynda narazylyq týǵyzyp otyr, dep habarlaidy Dalanews.kz Qaztagqa silteme jasap.
Jýrnalister "Búgin aldyn ala tyńdalym ótetinin bireýińiz bildińizder me?" dep sottyń jýrnalisterge arnalǵan chatynda qoidy.
Toptaǵy jýrnalisterdiń basym bóligi 9 shildede sot protsesi bastalatynynan habarsyz bolyp shyqqan.
"Sottyń bastalǵanyn nege habarlamadyńyzdar? Mundai jasalmaidy ǵoi, bul top ne úshin qurylǵan?", - dep ashýlandy taǵy bir jýrnalist, sot otyrysynyń kúni týraly kún saiyn surap júrgenderin eske saldy.
Astana qalalyq sotynyń baspasóz hatshysy Aqbota Sháriphanova eshkimdi jeke shaqyrmaǵandaryn alǵa tartqan. Alaida jýrnalister keibir "erekshe" BAQ ókilderiniń qalaida aldyn ala tyńdalymǵa qatysyp ketkenin atap ótti.
"Bul astanalyq sottyń qandai da bir erekshe tártibi me?" - dep narazylyq bildirdi jýrnalister.
"Sottyń bastalǵanyn bizden ádeii jasyrǵandai áser qaldy. Áriptester kún saiyn surap otyrdy. Bul - qoǵam nazaryndaǵy is. Bizde osyndai anonstar úshin arnaiy chat bar, biraq ony tek qandai da bir relizderdi jariialaýdy suraǵanda ǵana qoldanady", - dep qynjyldy sottyń baspasóz qyzmeti chatynyń bir qatysýshysy.
Búgin Astanada Perizat Qairat pen anasyna qatysty sot bastaldy.
