پەريزات قايراتقا قاتىستى رەزونانستى ءىس بويىنشا سوتتىڭ ارەكەتتەرى قوعام مەن ب ا ق وكىلدەرى اراسىندا نارازىلىق تۋعىزىپ وتىر، دەپ حابارلايدى Dalanews.kz قازتاگقا سىلتەمە جاساپ.
جۋرناليستەر "بۇگىن الدىن الا تىڭدالىم وتەتىنىن بىرەۋىڭىز بىلدىڭىزدەر مە؟" دەپ سوتتىڭ جۋرناليستەرگە ارنالعان چاتىندا قويدى.
توپتاعى جۋرناليستەردىڭ باسىم بولىگى 9 شىلدەدە سوت پروسەسى باستالاتىنىنان حابارسىز بولىپ شىققان.
"سوتتىڭ باستالعانىن نەگە حابارلامادىڭىزدار؟ مۇنداي جاسالمايدى عوي، بۇل توپ نە ءۇشىن قۇرىلعان؟"، - دەپ اشۋلاندى تاعى ءبىر جۋرناليست، سوت وتىرىسىنىڭ كۇنى تۋرالى كۇن سايىن سۇراپ جۇرگەندەرىن ەسكە سالدى.
استانا قالالىق سوتىنىڭ باسپا ءسوز حاتشىسى اقبوتا ءشارىپحانوۆا ەشكىمدى جەكە شاقىرماعاندارىن العا تارتقان. الايدا جۋرناليستەر كەيبىر "ەرەكشە" ب ا ق وكىلدەرىنىڭ قالايدا الدىن الا تىڭدالىمعا قاتىسىپ كەتكەنىن اتاپ ءوتتى.
"بۇل استانالىق سوتتىڭ قانداي دا ءبىر ەرەكشە ءتارتىبى مە؟" - دەپ نارازىلىق ءبىلدىردى جۋرناليستەر.
"سوتتىڭ باستالعانىن بىزدەن ادەيى جاسىرعانداي اسەر قالدى. ارىپتەستەر كۇن سايىن سۇراپ وتىردى. بۇل - قوعام نازارىنداعى ءىس. بىزدە وسىنداي انونستار ءۇشىن ارنايى چات بار، ءبىراق ونى تەك قانداي دا ءبىر رەليزدەردى جاريالاۋدى سۇراعاندا عانا قولدانادى"، - دەپ قىنجىلدى سوتتىڭ باسپا ءسوز قىزمەتى چاتىنىڭ ءبىر قاتىسۋشىسى.
بۇگىن استانادا پەريزات قايرات پەن اناسىنا قاتىستى سوت باستالدى.
