Astana qalasynyń mamandandyrylǵan aýdanaralyq ekonomikalyq soty Ádilet departamentiniń «Biz birgemiz Qazaqstan 2030» qoǵamdyq birlestigin taratý týraly talabyn qarady, dep habarlaidy Dalanews.kz.
Is materialdaryna sáikes, osy zańdy tulǵany bastapqy memlekettik tirkeý 2021 jylǵy 11 qazanda ótkizildi.
Birlestiktiń quryltaishylary 10 adam bolyp tabylady, olardyń esimderi Qairat Perizatty qosa alǵanda, quryltai jinalystarynyń hattamalarynda kórsetilgen
Qylmystyq isti tergeý barysynda qoljazba saraptamasy júrgizilip, qorytyndysyna sáikes, 10 quryltaishynyń 9-nyń atynan quryltai qujattaryna Qairat Perizat qol qoiǵan.
Zańdy tulǵa Azamattyq kodekstiń 49-babyna sáikes, zańdy tulǵa ony qurý kezinde jiberilgen, joiylmaityn sipattaǵy zań buzýshylyqtarǵa bailanysty jaramsyz dep tanylǵan jaǵdaida, sot sheshimi boiynsha taratylýy múmkin.
QR Joǵarǵy Sotynyń «Sottardyń salyq zańnamasyn qoldanýdyń keibir máseleleri týraly» normativtik qaýlysynyń 12-tarmaǵyna sáikes - zańdy tulǵany qurýǵa (qaita tirkeýge) qatysy joq zańdy tulǵany basshysyn jáne (nemese) quryltaishysyn (qatysýshysyn) kórsete otyryp tirkeý (qaita tirkeý) zańdy tulǵany taratý (jaramsyz dep taný) úshin negiz bolyp tabylady.
Birlestikti qurý kezinde anyqtalǵan buzýshylyqtardy eskere otyryp, sot «Biz birgemiz Qazaqstan 2030» qoǵamdyq birlestigin májbúrli túrde taratý týraly sheshim qabyldady.
Sheshim zańdy kúshine engen joq.
