Prıǵojın búligin basýǵa dáneker bolǵan Lýkashenko keshe tús aýa Ábishulyna qońyraý shalyp, keshegi dúrbeleńdi maıyn tamyzyp áńgimelep bergenge uqsaıdy.
Pensıadaǵy adamǵa ermek kerek. Eski dospen esi ketip syrlasqan Nazarbaev "Pýtın men Prıǵojınniń arasyndaǵy janjalǵa" qatysty biraz ınsaıd aqparatqa qanyqqany anyq.
Dala Inside arnasy budan problema kórip turǵanyn jazdy.
Eks-prezıdentti elep-eskeretin jalǵyz adam – Lýkashenko. Belarýs prezıdenti saıasattyń kári syrttanymen Nazarbaev otstavkaǵa ketkeli hat-habar almasyp turady.
Esesine, reseılik propaganda alaqanyn ysqylap otyr. Búgingi jaǵdaı "pýtınshil" medıa úshin birtalaıǵa deıin azyq bolmaq.
Kreml ıdeologtary "Prıǵojın býnty Reseıdiń ishki sharýasy ekenin" shegelep aıtqan Toqaevtyń keshegi málimdemesin tarazylaý ústinde.
Prezıdent osy arqyly ODKB-nyń Reseıge barmaıtynyn ańǵartqan edi.
Birqatar propagandıster muny satqyndyqqa balap, "Kemeluly Pýtınniń jon arqasyna qanjar qadady" degen sarynda sarnaı bastady.
Toq eterin aıtqanda, Toqaevqa tisin qaırap júrgender úshin keshegi ınfa izdegenge suraǵan boldy.
Aldaǵy ýaqytta orystyń propagandısteri "Lýkashenko qıyn sátte teris aınalǵan Toqaevqa qyr kórsetti"; "Nazarbaevtyń abyroıy qazirgi prezıdentten asyp tur"; "Qos bılik eshqaıda joǵalǵan joq"; "Eks-prezıdentke habarlasýdy Pýtın buıyrdy, onyń Toqaevtan kóńili qaldy..." degen syńaıda provokasıalyq materıaldaryn az kúnde oqyp qalýymyz ábden múmkin.
