2025 jyldyń 30 qańtarynda Abaı atyndaǵy QazUPÝ Basqarma Tóraǵasy-rektor Bolat Tilep B.Momyshuly atyndaǵy №131 mektep-lıseıinde ashyq sabaqqa qatysty. Ashyq sabaqty Fılologıa fakúltetiniń «Qazaq tili men ádebıeti» bilim berý baǵdarlamasynyń 4 kýrs stýdenti Adaeva Aıda Aıdarovna ótkizdi. Sabaqqa «Mansap» ortalyǵynyń jetekshisi, №131mektep-lıseıdiń basshysy, bilim alýshynyń jetekshileri qatysty, dep habarlaıdy Dalanews.kz.
Ashyq sabaq «Abaı joly» roman-epopeıasynyń kompozısıalyq ereksheligi» taqyrybyna ótkizildi. Sabaq barysynda bilim alýshy kúrdeli termınderge naqty jáne egjeı-tegjeıli túsinikteme berip, aýdıtorıany oqý prosesine tartý qabiletin kórsete otyryp, tamasha oqytýshylyq sheberligin kórsetti. Oqýshylardyń belsendi qatysýy da baıqaldy, bul toptyq jumysty sátti baǵalaýǵa yqpal etti. Sabaq joǵary deńgeıde ótkizildi.
Mundaı is-sharaǵa rektordyń jáne basqa da qonaqtardyń qatysýy stýdentterdiń bastamalaryn qoldaýdyń aıqyn úlgisi bolyp tabylady jáne bilim berý men damý úderisinde ýnıversıtet basshylyǵy men stýdentterdiń ózara árekettesýiniń mańyzdylyǵyn kórsetedi.
Bolat Tilep stýdentterimizdiń únemi ozyq bilimmen qarýlanýyna baǵyttalatyn bilim berý ortasyn qalyptastyrýdyń mańyzdylyǵyna toqtalyp, stýdentter ýnıversıtettiń zıatkerlik damýynyń negizgi draıverleri ekenin atap ótti. Sondaı-aq mektep oqýshylaryn eli men qazaqstandyqtardyń bolashaq urpaǵy úshin asa qajet pedagogıkalyq mamandyqty tańdaýǵa shaqyrdy.
Sabaq sońynda rektor stýdentke jáne onyń barlyq tálimgerlerine búgingi joǵary deńgeıde uıymdastyrylǵan sabaq barysy úshin alǵys aıtty.
