2025 جىلدىڭ 30 قاڭتارىندا اباي اتىنداعى قازۇپۋ باسقارما توراعاسى-رەكتور بولات تىلەپ ب.مومىش ۇلى اتىنداعى №131 مەكتەپ-ليسەيىندە اشىق ساباققا قاتىستى. اشىق ساباقتى فيلولوگيا فاكۋلتەتىنىڭ «قازاق ءتىلى مەن ادەبيەتى» ءبىلىم بەرۋ باعدارلاماسىنىڭ 4 كۋرس ستۋدەنتى ادايەۆا ايدا ايداروۆنا وتكىزدى. ساباققا «مانساپ» ورتالىعىنىڭ جەتەكشىسى، №131مەكتەپ-ليسەيدىڭ باسشىسى، ءبىلىم الۋشىنىڭ جەتەكشىلەرى قاتىستى، دەپ حابارلايدى Dalanews.kz.
اشىق ساباق «اباي جولى» رومان-ەپوپەياسىنىڭ كومپوزيسيالىق ەرەكشەلىگى» تاقىرىبىنا وتكىزىلدى. ساباق بارىسىندا ءبىلىم الۋشى كۇردەلى تەرميندەرگە ناقتى جانە ەگجەي-تەگجەيلى تۇسىنىكتەمە بەرىپ، اۋديتوريانى وقۋ پروسەسىنە تارتۋ قابىلەتىن كورسەتە وتىرىپ، تاماشا وقىتۋشىلىق شەبەرلىگىن كورسەتتى. وقۋشىلاردىڭ بەلسەندى قاتىسۋى دا بايقالدى، بۇل توپتىق جۇمىستى ءساتتى باعالاۋعا ىقپال ەتتى. ساباق جوعارى دەڭگەيدە وتكىزىلدى.
مۇنداي ءىس-شاراعا رەكتوردىڭ جانە باسقا دا قوناقتاردىڭ قاتىسۋى ستۋدەنتتەردىڭ باستامالارىن قولداۋدىڭ ايقىن ۇلگىسى بولىپ تابىلادى جانە ءبىلىم بەرۋ مەن دامۋ ۇدەرىسىندە ۋنيۆەرسيتەت باسشىلىعى مەن ستۋدەنتتەردىڭ ءوزارا ارەكەتتەسۋىنىڭ ماڭىزدىلىعىن كورسەتەدى.
بولات تىلەپ ستۋدەنتتەرىمىزدىڭ ۇنەمى وزىق بىلىممەن قارۋلانۋىنا باعىتتالاتىن ءبىلىم بەرۋ ورتاسىن قالىپتاستىرۋدىڭ ماڭىزدىلىعىنا توقتالىپ، ستۋدەنتتەر ۋنيۆەرسيتەتتىڭ زياتكەرلىك دامۋىنىڭ نەگىزگى درايۆەرلەرى ەكەنىن اتاپ ءوتتى. سونداي-اق مەكتەپ وقۋشىلارىن ەلى مەن قازاقستاندىقتاردىڭ بولاشاق ۇرپاعى ءۇشىن اسا قاجەت پەداگوگيكالىق ماماندىقتى تاڭداۋعا شاقىردى.
ساباق سوڭىندا رەكتور ستۋدەنتكە جانە ونىڭ بارلىق تالىمگەرلەرىنە بۇگىنگى جوعارى دەڭگەيدە ۇيىمداستىرىلعان ساباق بارىسى ءۇشىن العىس ايتتى.
