Pavlodarlyq zeinetker Amina Aimaǵanbetova “Biz Birgemiz” qoryna tasqyn kezinde aýdarǵan 1 million teńgesin qaitarýdy talap etti, dep habarlaidy Dalanews.kz.
“2024 jyldyń 13 sáýirinde Kaspi qosymshasynan “Biz Birgemiz” qoryn kórip qaldym. Ol kezde elde sý tasqyny bolyp jatqan, kómekteskim keldi”, — dedi Amina Aimaǵanbetova sot otyrysynda.
Onyń aitýynsha, ol qordyń ataýyna senim artqan.
“Sol ýaqytta túrli qor shyqqan edi. Biraq nege ekenin bilmeimin, dál osy “Biz Birgemiz” degen ataý senim uialatty. Bul aqsha durys jerge barady dep oiladyq, sol sebepti 1 million teńge aýdardyq”, — dedi Aimaǵanbetova.
Zeinetker bul qarajatty sý tasqynynan zardap shekkenderge degen aiaýshylyqtan týǵan nietpen joldaǵanyn aityp, endi ol somany qaitarýdy surap otyr.
Aita keteiik, Astanada Perizat Qairat pen onyń anasy Ǵaini Alashbaevaǵa qatysty sot protsesi jalǵasyp jatyr. Qazir sýdialar sý tasqyny kezinde jinalǵan qarajatqa qatysty epizodty qaraýda.
Buǵan deiin sot otyrysynda jábirlenýshi taraptan 200 mln teńge aýdarǵan kompaniianyń ókili Galia Isaeva sóz sóilegen edi. Onyń aitýynsha, sol kezeńde kompaniiany Perizat Qairattyń áleýmettik jelidegi belsendi jarnamasy sendirgen.
"Prezidenttiń sý tasqyny kezinde jasaǵan úndeýinen keiin basshylyq zardap shekkenderge kómek kórsetý týraly sheshim qabyldady. Bizge Biz Birgemiz qory senimdi uiym bolyp kórindi. 10 mamyr kúni aktsionerlik qoǵamnyń shotynan qorǵa 200 mln teńge aýdardyq. Perizat Qairattyń atynan jariialanǵan jarnamada nesie tólemderin toqtatý týraly úndeý de boldy. Bul da áser etti – shyn máninde, halyqqa jany ashityn adam siiaqty kórindi", – dedi Isaeva.
Perizat Qairat pen onyń anasy Ǵaini Alashbaevaǵa QR Qylmystyq kodeksiniń 190-baby 4-bólimi 2-tarmaǵy, 218-baby 3-bólimi 3-tarmaǵy jáne 2-bólimi 1-tarmaǵy boiynsha aiyp taǵylyp otyr. Biz Birgemiz qory 2021 jyly qurylǵan. Tergeý nusqasy boiynsha, olar jalpy kólemi 3,5 mlrd teńge jymqyrǵan.
Basty sot otyrysy 14 shildede bastaldy. Keshe sotta Biz Birgemiz qoryna 83,5 mln teńge aýdarǵan bloger men “Asar Úme” qorynyń prezidenti Ashat Nýrmashev kýálik berdi. Blogerdiń aitýynsha, qarajatty aýdarǵannan keiin Perizat Qairat onymen bailanysqa shyqpai qoiǵan. Al Ashat Nurmashev qor atynan Kairattyń qoryna 200 mln teńge bergenin málimdedi.
