Pavlodar oblysynda veipterdi zańsyz satýmen ainalysqan qylmystyq top múshesiniń qylmystyq jolmen alynǵan qarajatqa satyp alǵan avtokóligi sot sheshimimen tárkilendi, dep habarlaidy dalanews.kz.
Pavlodar oblysy prokýratýrasynyń ótinishhaty boiynsha sot quny 12,3 mln teńge bolatyn «KIA» markaly avtokólikti sotqa deiin tárkileý týraly sheshim qabyldady.
2025 jyly óńirde elektrondyq tutyný júielerin, iaǵni veipterdi zańsyz satýmen ainalysqan qylmystyq toptyń áreketi toqtatylǵan. Qazirgi ýaqytta top múshelerine qatysty qylmystyq is sotta qaralyp jatyr.
Kúdiktilerdiń biri qylmystyq qýdalaý organdarynan jasyrynǵan. Osyǵan bailanysty oǵan halyqaralyq izdeý jariialanǵan.
Tergeý barysynda onyń zańsyz jolmen tapqan qarajatyna «KIA» avtokóligin satyp alǵany anyqtaldy. Prokýrordyń ótinishhatyn qaraǵan sot atalǵan kólikti qylmystyq jolmen alynǵan múlik retinde tárkiledi.
Sotqa deiingi tergep-tekserý jalǵasyp jatyr.
Qazaqstanda veipterdi zańsyz ainalymǵa shyǵarýǵa bailanysty jaýapkershilik kúsheitilgen. Bas prokýratýranyń málimetinshe, veipterdi el aýmaǵyna ákelýdiń ózi, onyń sanyna qaramastan, qylmystyq jaýapkershilikke ákelýi múmkin.
