پاۆلودار وبلىسىندا ۆەيپتەردٸ زاڭسىز ساتۋمەن اينالىسقان قىلمىستىق توپ مٷشەسٸنٸڭ قىلمىستىق جولمەن الىنعان قاراجاتقا ساتىپ العان اۆتوكٶلٸگٸ سوت شەشٸمٸمەن تەركٸلەندٸ, دەپ حابارلايدى dalanews.kz.
پاۆلودار وبلىسى پروكۋراتۋراسىنىڭ ٶتٸنٸشحاتى بويىنشا سوت قۇنى 12,3 ملن تەڭگە بولاتىن «KIA» ماركالى اۆتوكٶلٸكتٸ سوتقا دەيٸن تەركٸلەۋ تۋرالى شەشٸم قابىلدادى.
2025 جىلى ٶڭٸردە ەلەكتروندىق تۇتىنۋ جٷيەلەرٸن, ياعني ۆەيپتەردٸ زاڭسىز ساتۋمەن اينالىسقان قىلمىستىق توپتىڭ ەرەكەتٸ توقتاتىلعان. قازٸرگٸ ۋاقىتتا توپ مٷشەلەرٸنە قاتىستى قىلمىستىق ٸس سوتتا قارالىپ جاتىر.
كٷدٸكتٸلەردٸڭ بٸرٸ قىلمىستىق قۋدالاۋ ورگاندارىنان جاسىرىنعان. وسىعان بايلانىستى وعان حالىقارالىق ٸزدەۋ جارييالانعان.
تەرگەۋ بارىسىندا ونىڭ زاڭسىز جولمەن تاپقان قاراجاتىنا «KIA» اۆتوكٶلٸگٸن ساتىپ العانى انىقتالدى. پروكۋروردىڭ ٶتٸنٸشحاتىن قاراعان سوت اتالعان كٶلٸكتٸ قىلمىستىق جولمەن الىنعان مٷلٸك رەتٸندە تەركٸلەدٸ.
سوتقا دەيٸنگٸ تەرگەپ-تەكسەرۋ جالعاسىپ جاتىر.
قازاقستاندا ۆەيپتەردٸ زاڭسىز اينالىمعا شىعارۋعا بايلانىستى جاۋاپكەرشٸلٸك كٷشەيتٸلگەن. باس پروكۋراتۋرانىڭ مەلٸمەتٸنشە, ۆەيپتەردٸ ەل اۋماعىنا ەكەلۋدٸڭ ٶزٸ, ونىڭ سانىنا قاراماستان, قىلمىستىق جاۋاپكەرشٸلٸككە ەكەلۋٸ مٷمكٸن.
