11 mamyrda Ulttyq qaýipsizdik komıteti "Búrkit" JSN jáne prokýratýra organdaryn úılestirýdiń kómegimen Pavlodar qalasynda sıntetıkalyq esirtkilerdiń iri jasyryn óndirisin joıý boıynsha operasıa júrgizdi, - dep habarlaıdy Dalanews.kz UQK baspasóz qyzmetine siltep.
Osy qylmysty jasady degen kúdikpen Qazaqstan azamaty men úsh sheteldik ustalyp, sottyń sanksıasymen qamaýǵa alyndy.
Saıajaı alabyndaǵy úıdi tintý kezinde 170 keliden "mefedron", 2 tonna prekýrsor, sondaı-aq zerthanalyq jabdyqtar tabylyp, tárkilendi.
"Qara naryqta" alynǵan esirtkiniń quny 4,2 mıllıard teńge bolsa, al kólemi 680 myń dozadan asady.
Qylmystyq Kodekstiń 297-babynyń 3-bóligi boıynsha sotqa deıingi tergep-tekserý júrgiziledi.
Qylmystyq-prosestik kodekstiń 201-babynyń 1-bóligine sáıkes ózge de aqparat jarıa etilýge jatpaıdy.
