Pavlodarda ǵalymdardyń tsifrlyq entsiklopediiasy iske qosyldy
Toraiǵyrov atyndaǵy Pavlodar oblystyq ámbebap ǵylymi kitaphanasynda «Pavlodar oblysynyń ǵalymdary» tsifrlyq entsiklopediiasynyń tusaýkeseri ótti, dep habarlaidy pavlodarnews.kz saity.
Atalmysh joba Qazaqstan Respýblikasynyń Tuńǵysh prezidenti – Elbasy N.Á. Nazarbaevtyń «Uly dalanyń jeti qyry» baǵdarlamalyq maqalasyn iske asyrý sheńberinde qolǵa alynǵan.
Bul ǵylymnyń damý tarihy jáne Qazaqstan men Pavlodar oblysynyń ǵylymyna baǵa jetpes úles qosqan jerles ǵalymdardyń qyzmetine qyzyǵýshylyq tanytatyn paidalanýshylarǵa arnalǵan biregei ashyq jelilik resýrs.
– «Pavlodar oblysynyń ǵalymdary» tsifrlyq entsiklopediiasyna 17 sala boiynsha ǵalymdardyń 100-ge jýyq esimi engizilgen, – deidi oblystyq ámbebap ǵylymi kitaphanasynyń kitaphanashysy Ainel Myrzaǵalieva. – Tsifrly entsiklopediiada jazbany qalyptastyrý úshin tańdaýdyń negizgi kriteriii – ǵylym doktory ǵylymi dárejesiniń bolýy. Jobany jasaýǵa S. Toraiǵyrov atyndaǵy PMÝ, PMPÝ, InEÝ jáne oblystyq ortalyq kitaphanalar júiesi kómek kórsetti. Tolyq nusqasyn galym.pavlodarlibrary.kz siltemesi arqyly ótip kórýge bolady.
Tusaýkeser barysynda filologiia ǵylymdarynyń doktory, professor, akademik Aitmuhamet Turyshev, filologiia ǵylymdarynyń doktory, professor Zifa Temirǵazina, ǵalym-lingvist, filologiia ǵylymdarynyń doktory, professor Ravil Vafeev, tarih ǵylymdarynyń kandidaty, PMPÝ-diń Qazaqstan tarihy kafedrasynyń meńgerýshisi Anar Kárimova sóz sóiledi.
