اتالمىش جوبا قازاقستان رەسپۋبليكاسىنىڭ تۇڭعىش پرەزيدەنتى – ەلباسى ن.ءا. نازاربايەۆتىڭ «ۇلى دالانىڭ جەتى قىرى» باعدارلامالىق ماقالاسىن ىسكە اسىرۋ شەڭبەرىندە قولعا الىنعان.
بۇل عىلىمنىڭ دامۋ تاريحى جانە قازاقستان مەن پاۆلودار وبلىسىنىڭ عىلىمىنا باعا جەتپەس ۇلەس قوسقان جەرلەس عالىمداردىڭ قىزمەتىنە قىزىعۋشىلىق تانىتاتىن پايدالانۋشىلارعا ارنالعان بىرەگەي اشىق جەلىلىك رەسۋرس.
– «پاۆلودار وبلىسىنىڭ عالىمدارى» سيفرلىق ەنسيكلوپەدياسىنا 17 سالا بويىنشا عالىمداردىڭ 100-گە جۋىق ەسىمى ەنگىزىلگەن، – دەيدى وبلىستىق امبەباپ عىلىمي كىتاپحاناسىنىڭ كىتاپحاناشىسى اينەل مىرزاعالييەۆا. – سيفرلى ەنسيكلوپەديادا جازبانى قالىپتاستىرۋ ءۇشىن تاڭداۋدىڭ نەگىزگى كريتەرييى – عىلىم دوكتورى عىلىمي دارەجەسىنىڭ بولۋى. جوبانى جاساۋعا س. تورايعىروۆ اتىنداعى پمۋ، پمپۋ، ينەۋ جانە وبلىستىق ورتالىق كىتاپحانالار جۇيەسى كومەك كورسەتتى. تولىق نۇسقاسىن galym.pavlodarlibrary.kz سىلتەمەسى ارقىلى ءوتىپ كورۋگە بولادى.
تۇساۋكەسەر بارىسىندا فيلولوگيا عىلىمدارىنىڭ دوكتورى، پروفەسسور، اكادەميك ايتمۇحامەت تۇرىشيەۆ، فيلولوگيا عىلىمدارىنىڭ دوكتورى، پروفەسسور زيفا تەمىرعازينا، عالىم-لينگۆيست، فيلولوگيا عىلىمدارىنىڭ دوكتورى، پروفەسسور راۆيل ۆافەيەۆ، تاريح عىلىمدارىنىڭ كانديداتى، ءپمپۋ-دىڭ قازاقستان تاريحى كافەدراسىنىڭ مەڭگەرۋشىسى انار كارىموۆا ءسوز سويلەدى.
