Pavlodarda ekologiialyq talaptardy buzǵan "EkoÁlem-PV" JShS-ne 28,4 mlrd teńge aiyppul salyndy, dep habarlaidy Dalanews.kz.
Pavlodar oblysynyń prokýratýrasy habarlaǵandai, óńirde bir kásiporynǵa qoqys qaldyqtaryn zańsyz kómý deregi boiynsha 28,4 mlrd teńge aiyppul salyndy.
"Tabiǵat qorǵaý prokýratýrasy ekologiialyq zańnamanyń saqtalýyna taldaý júrgizý barysynda ruqsat qujattarynyń talaptary buzylǵany anyqtaldy. Osyǵan bailanysty tekserýler uiymdastyryldy. Nátijesinde ekologtar "EkoAlem-PV" JShS-niń bekitilgen limitten artyq turmystyq qatty qaldyqtardy kómip kelgenin anyqtady. Bul fakti boiynsha atalǵan seriktestik ÁQBtK-niń 328-baby 6-bóligine sáikes ákimshilik jaýapkershilikke tartyldy. Atalǵan bapta qaldyqtardy belgilengen normadan artyq kómý nemese jinaqtaý jaǵdaiynda, kómý tarifiniń 10 myń paiyzdyq mólsherinde aiyppul qarastyrylǵan. Sonyń nátijesinde aiyppul kólemi 28,4 mlrd teńgeni qurady", – delingen seisenbi kúni taratylǵan aqparatta.
Sonymen birge, apelliatsiialyq sot birinshi satydaǵy sottyń aiyppul salý jónindegi qaýlysyn ózgerissiz qaldyrǵany atalyp ótti.
