پاۆلوداردا ەكولوگيالىق تالاپتاردى بۇزعان "ەكوالەم-پۆ" جشس-نە 28،4 ملرد تەڭگە ايىپپۇل سالىندى، دەپ حابارلايدى Dalanews.kz.
پاۆلودار وبلىسىنىڭ پروكۋراتۋراسى حابارلاعانداي، وڭىردە ءبىر كاسىپورىنعا قوقىس قالدىقتارىن زاڭسىز كومۋ دەرەگى بويىنشا 28،4 ملرد تەڭگە ايىپپۇل سالىندى.
"تابيعات قورعاۋ پروكۋراتۋراسى ەكولوگيالىق زاڭنامانىڭ ساقتالۋىنا تالداۋ جۇرگىزۋ بارىسىندا رۇقسات قۇجاتتارىنىڭ تالاپتارى بۇزىلعانى انىقتالدى. وسىعان بايلانىستى تەكسەرۋلەر ۇيىمداستىرىلدى. ناتيجەسىندە ەكولوگتار "ەكوالەم-پۆ" ءجشس-نىڭ بەكىتىلگەن ليميتتەن ارتىق تۇرمىستىق قاتتى قالدىقتاردى كومىپ كەلگەنىن انىقتادى. بۇل فاكتى بويىنشا اتالعان سەرىكتەستىك اقبتك-نىڭ 328-بابى 6-بولىگىنە سايكەس اكىمشىلىك جاۋاپكەرشىلىككە تارتىلدى. اتالعان باپتا قالدىقتاردى بەلگىلەنگەن نورمادان ارتىق كومۋ نەمەسە جيناقتاۋ جاعدايىندا، كومۋ ءتاريفىنىڭ 10 مىڭ پايىزدىق مولشەرىندە ايىپپۇل قاراستىرىلعان. سونىڭ ناتيجەسىندە ايىپپۇل كولەمى 28،4 ملرد تەڭگەنى قۇرادى"، – دەلىنگەن سەيسەنبى كۇنى تاراتىلعان اقپاراتتا.
سونىمەن بىرگە، اپەللياسيالىق سوت ءبىرىنشى ساتىداعى سوتتىڭ ايىپپۇل سالۋ جونىندەگى قاۋلىسىن وزگەرىسسىز قالدىرعانى اتالىپ ءوتتى.
