"Aq jol" dempartiiasy respýblikalyq sailaýaldy shtabynyń músheleri óńirlerdegi jumysyn jalǵastyrýda. Keshe olar Pavlodar oblysynyń turǵyndary jáne kásipkerlerimen kezdesti. 500-ge jýyq adam jinalǵan «Estai» ortalyq mádeniet saraiynda «Aq jol» kandidattary partiianyń saiasi baǵdarlamasyn tanystyryldy.
Jiynǵa partiia tóraǵasy Azat Perýashev, tóraǵa orynbasarlary Erlan Barlybaev, Berik Dúisembinov, Pavlodar oblysynan bir mandatty sailaý okrýgi boiynsha Májilis depýtattyǵyna kandidat Fýat Satybaev, barlyq deńgeidegi máslihattar depýtattyǵyna kandidattar, oblys turǵyndary jáne qolónershiler qatysty.
«Aqjoldyqtardyń» mundai kezdesýlerdegi ereksheligi – olar kandidattardyń kópshiligi siiaqty josparlaryn ǵana aityp qoimaidy. Sailaýshylar endi úgit-nasihatshylardyń qurǵaq ýádesin tyńdaǵysy kelmeidi, áleýmettik jelilerde halyqtyń mundai úgitshilerdiń sózin bólip, odan da depýtattyq mandatqa úmitkerdiń naqty qandai maqsatqa qol jetkizgenin aitýdy talap etetin videolar kóp.
«Aq jol» partiiasynyń ókilderi baǵdarlamanyń tanystyrylymyn ár taqyryp boiynsha óz is-áreketterinen naqty mysaldarmen dáleldep, qol jetkizilgen nátijeler týraly baiandaidy.
"Aq jol" tóraǵasynyń partiianyń jemqorlardyń zańsyz shyǵarǵan kapitalyn elge qaitarý, jeke tulǵalardyń bankrottyǵy týraly zań qabyldaý, salalyq salyq mólsherlemelerin engizý týraly aitqan faktileri jinalǵan qaýymnyń úlken qoldaýyna ie boldy.
Qala turǵyndary kókeidegi saýaldaryn qoiyp, tushymdy jaýaptar aldy.
Jiyn sońynda Azat Perýashev oblys turǵyndaryn Pavlodar oblysynyń bir mandatty okrýgi boiynsha Májilis depýtattyǵyna kandidat, QR Parlamenti Májilisiniń VII shaqyrylym depýtatty bolǵan Fýat Satybaevqa jáne «Aq jol» partiiasynan barlyq deńgeidegi máslihattar depýtattyǵyna kandidattarǵa qoldaý kórsetýge shaqyrdy. Atalǵan partiialastar el qoshemetimen bir komanda bolyp sahnaǵa kóterildi.
«Aq jol» dempartiiasy – kásipkerler partiiasynyń basshylyǵy jergilikti qolónershilerdiń kórmesin tamashalady.
Sheberler memleket tarapynan granttyq qoldaýdyń joqtyǵyn aityp, túitkildi máselelerimen bólisti. Shaǵyn kásipkerlikke bólinetin kómek – keide jas shekteýine bailanysty (35 jasqa deiin), keide basqa jumysy joq degen talaptan sáikes kelmeidi.
Al, olardyń kópshiligi úshin qolóner áýeli súiikti isi ári tabys kózi. Degenmen, bul súiikti is durys baǵytyn tapsa úlken bizneske ainalýy múmkin.
Aazat Perýashev mikrobiznes pen jergilikti týrizmdi damytý baǵdarlamalaryna bailanysty qolónerdi qoldaý máselesin zertteýge ýáde berdi.
Munan soń, Azat Perýashev, Erlan Barlybaev, Berik Dúisembinov jeksenbige qaramastan Pavlodardaǵy baspa úiine baryp, jańadan baspa jelisiniń jumysymen tanysyp, kásiporyn jumysshylarymen áńgimelesti.
Odan keiin «Aqjoldyqtar» Ekibastuz qalasyna kelip, «Gorelektroset» jáne Sý arnasy kásipornynyń basshylyǵymen qalalyq kommýnaldyq qyzmettiń jai-kúiin, turǵyn úi-kommýnaldyq sharýashylyqtyń tariftik saiasatynyń máselelerin jáne energetika salasyndaǵy deldaldardyń ústemdigin talqylady.
Búgin «Aq jol» dempartiiasy respýblikalyq shtabynyń basshylyǵy jumysyn jalǵastyrý úshin Mańǵystaý oblysyna ushyp ketti.
*Materialdyń aqysy «Aq jol» demokratiialyq partiiasynyń sailaý qorynan tólendi.
