Pavlodarda 34 mln teńgeden astam qaryzy bar kólik toqtatyldy, – dep habarlaıdy Dalanews.kz.
Pavlodar oblysynda bereshegi bar tulǵalardy anyqtaýǵa baǵyttalǵan aýqymdy reıdter ótkizilýde. Patrúldik polısıa qyzmetkerleri prokýratýra jáne sot oryndaýshylarymen birlesip "Boryshker" profılaktıkalyq is-sharasyn júrgizip jatyr. Negizgi maqsat ákimshilik qaýlylardyń oryndalýyn qamtamasyz etý jáne bereshekterdi óndirý.
"İs-shara barysynda Cadillac Escalade kólik anyqtalyp, toqtatyldy. Tekserý barysynda bul avtokólikke ıelik etetin uıymnyń 34 mıllıon teńgeden astam ótelmegen qaryzy bar ekeni anyqtaldy. Jeke sot oryndaýshysynyń qaýlysy negizinde avtokólik arnaıy turaqqa qoıyldy", - dedi Pavlodar qalasy PB patrúldik polısıa batalóny qyzmetiniń ınspektory Jandos Meıramǵazy.
Polısıa azamattarǵa aıyppuldar men ózge de bereshekterdi ýaqytyly tóleý qajettigin eskertedi. Bul múlikti májbúrlep tárkileý men kólikti arnaıy turaqqa qoıýdyń aldyn alýǵa múmkindik beredi.
