Pavlodarda memlekettik satyp alý salasyndaǵy zańbuzýshylyqtar úshin 19 laýazymdy tulǵa ákimshilik jaýapqa tartyldy, dep habarlaidy Dalanews.kz.
Pavlodarda "Memlekettik satyp alý týraly" zań júieli túrde buzylǵan.
"Talaptarǵa sáikes tapsyrys berýshiler 30 kún ishinde jetkizýshini memlekettik satyp alýdyń adal qatysýshysy emes dep taný týraly talap aryzben sotqa júginýge mindetti. Al memlekettik mekemeler men kásiporyndar bul merzimdi birneshe ret elemegen. Mundai áreketsizdik jetkizýshilerdiń jaýapkershilikten jaltarýyna múmkindik beredi", - dep jazylǵan habarlamada.
Sot "KAZ SERVICE PVL" JShS-ǵa qatysty "Aqsý qalasynyń mektep-litseii" KMM-niń talabyn qabyldamady. Sebebi mekeme seriktestiktiń mindettemeni buzǵanyn 2024 jylǵy tamyzda bilgen, biraq talapty bes aidan keiin ǵana bergen.
Prokýratýranyń usynysynan keiin Ishki memlekettik aýdit departamenti mektep direktorynyń ústinen ákimshilik is qozǵap, aiyppul saldy. Osyndai zańbuzýshylyqqa jol bergen 19 qyzmetker jaýapqa tartyldy.
