Pavlodar qalasynyń politsiia qyzmetkerleri qan ótkizý aktsiiasyna qatysty
Aktsiianyń uiymdastyrýshysy – «QR Qyzyl Jarty Ai qoǵamy» QB Pavlodar oblystyq filialy 10 jyl boiy qandy óteýsiz ótkizý boiynsha aktsiia ótkizip keledi. Biylǵy jyldyń ózinde Marafon sheńberinde osyǵan uqsas 6 is-shara bolyp ótti.
«Qan donory kúniniń urany – «Qan ótkizińiz, búlkildesin álemde ómir». Dástúrli túrde biz is-sharamyzdy Pavlodar qan ortalyǵymen birge ótkizemiz. Biyl bizdiń volonterler men donorlar ótkizgen qan 50 patsientke kómektesti. Bul eń úlken marapat ári qýanysh», - dedi «QR Qyzyl Jarty Ai qoǵamy» QB Pavlodar oblystyq filialynyń direktory Gúlnár Isakanova.
Sonymen birge aktsiiaǵa qatysýshylar ómirdiń qiyn jaǵdaiynda qalǵan otbasylardy qoldaýǵa arnalǵan áleýmettik aktsiiaǵa qatysty: donorlar túski asqa arnalǵan aqshalai ótemaqyny «Jaqsylyq sandyqshasyna» syilady. Aktsiianyń sońynda osy qarajatqa azyq-túlik satyp alynyp, Pavlodar qalasyndaǵy az qamtylǵan 5 otbasyǵa tabystaldy.
Eske sala ketsek, Qazaqstanda Táýelsizdiktiń 30 jyldyǵyn merekeleý sheńberinde Memleket basshysy Qasym-Jomart Toqaevtyń bastamasymen osy jyldyń aqpan aiynda iske qosylǵan «Qaiyrymdy ister marafony» jalpyulttyq jobasyn júzege asyrý jalǵasýda. Jyl ishinde eldiń 17 óńirinde 15 000-ǵa tarta is-shara ótkizildi, oǵan volonterler, metsenattar, belsendiler, biznes ókilderi, mektep oqýshylary, stýdentter men jaqsylyqqa jany qumar azamattar qatysty.
