اكسيانىڭ ۇيىمداستىرۋشىسى – «ق ر قىزىل جارتى اي قوعامى» قب پاۆلودار وبلىستىق فيليالى 10 جىل بويى قاندى وتەۋسىز وتكىزۋ بويىنشا اكسيا وتكىزىپ كەلەدى. بيىلعى جىلدىڭ وزىندە مارافون شەڭبەرىندە وسىعان ۇقساس 6 ءىس-شارا بولىپ ءوتتى.
«قان دونورى كۇنىنىڭ ۇرانى – «قان وتكىزىڭىز، بۇلكىلدەسىن الەمدە ءومىر». ءداستۇرلى تۇردە ءبىز ءىس-شارامىزدى پاۆلودار قان ورتالىعىمەن بىرگە وتكىزەمىز. بيىل ءبىزدىڭ ۆولونتەرلەر مەن دونورلار وتكىزگەن قان 50 پاسيەنتكە كومەكتەستى. بۇل ەڭ ۇلكەن ماراپات ءارى قۋانىش»، - دەدى «ق ر قىزىل جارتى اي قوعامى» قب پاۆلودار وبلىستىق فيليالىنىڭ ديرەكتورى گۇلنار يساكانوۆا.
سونىمەن بىرگە اكسياعا قاتىسۋشىلار ءومىردىڭ قيىن جاعدايىندا قالعان وتباسىلاردى قولداۋعا ارنالعان الەۋمەتتىك اكسياعا قاتىستى: دونورلار تۇسكى اسقا ارنالعان اقشالاي وتەماقىنى «جاقسىلىق ساندىقشاسىنا» سىيلادى. اكسيانىڭ سوڭىندا وسى قاراجاتقا ازىق-تۇلىك ساتىپ الىنىپ، پاۆلودار قالاسىنداعى از قامتىلعان 5 وتباسىعا تابىستالدى.
ەسكە سالا كەتسەك، قازاقستاندا تاۋەلسىزدىكتىڭ 30 جىلدىعىن مەرەكەلەۋ شەڭبەرىندە مەملەكەت باسشىسى قاسىم-جومارت توقايەۆتىڭ باستاماسىمەن وسى جىلدىڭ اقپان ايىندا ىسكە قوسىلعان «قايىرىمدى ىستەر مارافونى» جالپىۇلتتىق جوباسىن جۇزەگە اسىرۋ جالعاسۋدا. جىل ىشىندە ەلدىڭ 17 وڭىرىندە 15 000-عا تارتا ءىس-شارا وتكىزىلدى، وعان ۆولونتەرلەر، مەسەناتتار، بەلسەندىلەر، بيزنەس وكىلدەرى، مەكتەپ وقۋشىلارى، ستۋدەنتتەر مەن جاقسىلىققا جانى قۇمار ازاماتتار قاتىستى.
