QMA Pavlodar oblysy boıynsha departamenti júkti áıelderdi jalǵan jumysqa ornalastyrý shemasyn uıymdastyrǵan tulǵalar tobyna qatysty tergeý júrgizýde, dep habarlaıdy Dalanews.kz.

Zeınetaqy tóleý jónindegi memlekettik ortalyq bóliminiń basshysy kásibı bilimin paıdalana otyryp, shemany iske asyrý úshin elektrondyq sıfrlyq qoltańbalaryna qoljetimdiligi bar kásipkerlerdiń birqataryna qyzmet kórsetetin býhgalter  týysyn tartqan.

Býhgalter atalǵan ESQ-lardy ıeleriniń ruqsatynsyz paıdalanyp, jalǵan jumysqa qabyldaý týraly buıryqtardy, eńbek qatynastary zańdy túrde rásimdelgendeı kórinetin ózge de qujattardy daıyndaǵan.

Sonymen qatar birneshe tanys adam tartylyp, olardyń mindetine júkti áıelderdi tabý jáne usynylyp otyrǵan rásimdeýdiń zańdy ekenine sendirý kirgen.

Usynylǵan jalǵan derekter negizinde ýákiletti organdarda járdemaqylar taǵaıyndalǵan. Alynǵan qarajat keıinnen shemanyń qatysýshylary arasynda bólingen.

Nátıjesinde 13 jeke kásipkerdiń atynan 50-den astam júkti áıelge 6 mln teńgege deıin ósirilgen járdemaqylar tólengen. Memleketke keltirilgen zalal 200 mln teńgeden asty.

Sot sanksıasymen kúdiktilerdiń 3 avtokóligine tyıym salyndy.

Tergeý jalǵasýda.