قما پاۆلودار وبلىسى بويىنشا دەپارتامەنتى جۇكتى ايەلدەردى جالعان جۇمىسقا ورنالاستىرۋ سحەماسىن ۇيىمداستىرعان تۇلعالار توبىنا قاتىستى تەرگەۋ جۇرگىزۋدە، دەپ حابارلايدى Dalanews.kz.
زەينەتاقى تولەۋ جونىندەگى مەملەكەتتىك ورتالىق ءبولىمىنىڭ باسشىسى كاسىبي ءبىلىمىن پايدالانا وتىرىپ، سحەمانى ىسكە اسىرۋ ءۇشىن ەلەكتروندىق سيفرلىق قولتاڭبالارىنا قولجەتىمدىلىگى بار كاسىپكەرلەردىڭ ءبىرقاتارىنا قىزمەت كورسەتەتىن بۋحگالتەر تۋىسىن تارتقان.
بۋحگالتەر اتالعان ەسق-لاردى يەلەرىنىڭ رۇقساتىنسىز پايدالانىپ، جالعان جۇمىسقا قابىلداۋ تۋرالى بۇيرىقتاردى، ەڭبەك قاتىناستارى زاڭدى تۇردە راسىمدەلگەندەي كورىنەتىن وزگە دە قۇجاتتاردى دايىنداعان.
سونىمەن قاتار بىرنەشە تانىس ادام تارتىلىپ، ولاردىڭ مىندەتىنە جۇكتى ايەلدەردى تابۋ جانە ۇسىنىلىپ وتىرعان راسىمدەۋدىڭ زاڭدى ەكەنىنە سەندىرۋ كىرگەن.
ۇسىنىلعان جالعان دەرەكتەر نەگىزىندە ۋاكىلەتتى ورگانداردا جاردەماقىلار تاعايىندالعان. الىنعان قاراجات كەيىننەن سحەمانىڭ قاتىسۋشىلارى اراسىندا بولىنگەن.
ناتيجەسىندە 13 جەكە كاسىپكەردىڭ اتىنان 50-دەن استام جۇكتى ايەلگە 6 ملن تەڭگەگە دەيىن وسىرىلگەن جاردەماقىلار تولەنگەن. مەملەكەتكە كەلتىرىلگەن زالال 200 ملن تەڭگەدەن استى.
سوت سانكسياسىمەن كۇدىكتىلەردىڭ 3 اۆتوكولىگىنە تىيىم سالىندى.
تەرگەۋ جالعاسۋدا.
