Kazakhmys Barlau Pavlodar oblysynyń Baıanaýyl aýdanynda altyn jáne polımetal ken ornynda geologıalyq barlaý jumystaryn júrgizýde, dep habarlaıdy Dalanews.kz.
Zertteýler karer bortynyń turaqtylyǵyn baǵalaý úshin ınjenerlik-geologıalyq derekter alý maqsatynda júzege asyrylýda.
Burǵylaý jumystarynyń jalpy kólemi 8800 p.m. quraıdy, búgingi kúni onyń 3000 p.m. burǵylandy. Jumysqa 2 burǵylaý qondyrǵysy jumyldyrylǵan, jýyq arada olardyń sanyn 4-ke deıin arttyrý josparlanýda. Geologıalyq súıemeldeý tikeleı ken ornynda júrgizilýde.
Baıanaýyl paıdaly qazbalarǵa baı óńir jáne Baıanaýyl kendi aýdanynyń quramyna kiredi. Munda mys, myrysh, kúmis, kúkirt, barıt jáne sırek metaldarmen qatar granıt pen greızen ken oryndary da ornalasqan. Eń belgili nysandardyń qataryna Maıqaıyń, Jylandy jáne Shoqpaq ken oryndary kiredi.
