Búgin Qazaqstan Respýblikasy Parlamenti Májilisiniń spikeri, «AMANAT» partiiasynyń tóraǵasy Erlan Jaqanuly Qoshanov «Jastar Rýhy» respýblikalyq jastar saiasi lageriniń jumysyna qatysty. Túrkistan oblysy Nysanbek aýylynda Qazaqstannyń túkpir-túkpirinen kelgen 420 delegattyń bas qosýymen ótken jiynda sóz alǵan Erlan Jaqanuly, jastar únemi jańa úrdisterdiń basy-qasynda júretinin jáne memleketimizdiń qozǵaýshy kúshi bola otyryp, Ádiletti Qazaqstannyń bolashaǵy sanalatynyn atap ótti, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
– Osydan eki jyl buryn biz Zerendide jastar qanatynyń ataýyn ózgertý týraly sheshim qabyldaǵan edik. Sodan beri «Jastar Rýhy» qarqyndy jumys atqaryp keledi. Uiymnyń aty ǵana emes, zaty da ózgerdi. «Jastar Rýhy» elimizdegi jetekshi qozǵalysqa, jastardyń rýhyn kóteretin irgeli uiymǵa ainaldy. Memleket basshysy Qasym-Jomart Toqaevtyń Zerendi forýmyndaǵy beineúndeýinde jastardyń zaman talabyna sai damýy úshin úsh negizgi basymdyqty aiqyndap berdi. Ol – bilimge umtylys, eńbekqorlyq jáne patriotizm. Bul baǵyttar jastar qanatynyń aldaǵy damý jolynyń ózegine ainaldy, – dedi partiia tóraǵasy.
«Jastar Rýhynyń» missiiasy – jastardy ózekti máselelerdi sheshýge jumyldyrý jáne óskeleń urpaqty memlekettik jobalardy júzege asyrýǵa jan-jaqty tartý ekenine toqtaldy.
«AMANAT» partiiasynyń bastamasymen jyl saiyn ótetin respýblikalyq jastar saiasi lageri, shyn máninde, jas býynnyń zamannyń damý úrdisine sai ósip-órkendeýine, tulǵalyq jetilýine qyzmet etetin mártebeli alańǵa ainalyp otyr.
Saiasi lager aiasyndaǵy «Bir Tolqynda» ashyq dialog alańynda «AMANAT» partiiasynyń Atqarýshy hatshysy Dáýlet Jamaýbaiuly Káribek spiker retinde shyǵyp, saiasi lagerge qatysýshy jastarmen kún tártibindegi ózekti máseleler boiynsha emen-jarqyn suhbat qurdy. Partiia ashyp bergen alańda jastar túrli taqyryptardy qozǵady. Partiianyń Atqarýshy hatshysy talapty jastardyń ishinen daryndy kóshbasshylardy tárbieleý, jańasha oilaityn jas tolqyndy qalyptastyrý, jas býynnyń áleýetin paidaly isterge jumyldyrý týraly oilarymen bólisti. Tabystyń kilti tabandy eńbekte ekenin aitty. Adamdy alǵyrlyq qasiet qana alǵa jeteleitinin eske salyp, minez-bolmysy qairatty azamattar qana alǵa qoiǵan maqsatyna jetetinin túsindirdi.
Erkin mazmundaǵy pikir almasý alańynda Dáýlet Jamaýbaiuly, kúndelikti ómirde kezdesetin, turmys-tirshilikte oryn alatyn jaǵdailardan naqty mysaldar keltire otyryp, memlekettiligimizdi nyǵaitýǵa qyzmet etetin shynaiy janashyrlyq pen tereń jaýapkershilikti talap etetin máselelerge kóńil bóldi. Azamattyq sana sezimdi jańǵyrtýdyń mańyzdylyǵyn aityp, jalpyǵa ortaq dúnietanymdy qalyptastyrý, ómirlik ustanymdardy qoǵamǵa paidaly turǵysynan ózgertý jónindegi oilarymen bólisti. Ulttyń jańa sapasyn qalyptastyratyn qundylyqtar júiesine adal bolýdyń alǵysharttaryn atap ótti.
Sondai-aq partiianyń Atqarýshy hatshysy, partiiamyz bastamashyl bolǵan «Aýyl amanaty», «Qaryzsyz qoǵam» jobalarynyń tiimdiligin naqty derekterdi keltire otyryp, aityp berdi. Qoǵamda qyzý talqyǵa túsken taqyryptar sheńberinde partiiamyz jariia etken ustanymdy túsindirip ótti. Jas belsendilerimiz ózderimen eki saǵattan asa ashyq syr-suhbat qurǵan Dáýlet Jamaýbaiulyna alǵystaryn bildirip, memleket pen qoǵamnyń damýyna paidaly jasampaz isterge kúsh biriktirýge ázir ekendikterin jetkizdi.
Jastarmen bir tolqynda órbigen suhbat alańynda jastar kótergen saýaldarǵa Qazaqstan Respýblikasy Parlamenti Májilisiniń depýtattary Elnur Sabyrjanuly Beisenbaev, Ashat Qanatuly Aimaǵambetov, Temir Bazarbaiuly Qyryqbaev, Ekaterina Vasilevna Smyshliaeva jaýap berip, jas býynmen betpe-bet otyryp pikir almasty. Parlament ókilderi jastardyń bilim alýy, ekonomikalyq belsendiligin arttyrý, ózindik damýyna jaǵdai jasaý, olardy ortaq ideialar arasyna biriktirý, qoǵamǵa paidaly ister atqarýǵa jumyldyrý máseleleri talqylandy.
Lagerdiń oqý sessiialarynda belgili telejýrnalist, «SSLab» media-mektebiniń negizin qalaýshy Sándi Sultan «Sizdi estý úshin qalai sóileý kerek?» dep atalatyn avtorlyq jobasyn tanystyrdy. Qoǵamǵa belgili PR-menedjer, «Qazaqstan» Ulttyq arnasynyń telejúrgizýshisi Aikerim Esenáli «Sóziń ótimdi bolsyn!» taqyrybyndaǵy jeke tájiribesimen bólisti. Tanymal media trener, PR jáne kommýnikatsiialar salasynyń mamany, jýrnalist Nazym Janǵazy qoǵammen bailanys jáne kommýnikatsiiadaǵy qundylyqtar júiesi jónindegi ozyq úrdistermen tanystyrdy. Kásipqoi psiholog Erjan Myrzabaev ótkizgen treningte jastar otbasylyq qarym-qatynas, bala tárbiesi, jalpy psihologiia, qoǵamdyq stereotipter týraly jantaný iliminiń jańa qyrlaryn tanysyp, bildi.
Treninger barysynda sheshendik ónerdiń basty erekshelikteri týraly túsinik berilip, ádemi sóileýdiń ádebi, oiyńdy saýatty jetkizýdiń artyqshylyqtary, kópshilik aldynda sóz bastaý men jarqyn sóileý óneri, suhbat júrgizýdiń utymdy ádisteri jóninde paidaly aqparattar berildi. Sózdiń senimdi shyǵýyn, ótimdi bolýyn qamtýda jeke daǵdylardy qalyptastyrý, ómirlik ustanymdy ilgeriletý, kópshilik aldynda sóz bastaýdyń qiyndyqtaryn eńserý, taǵy da basqa qoǵammen bailanys jáne kommýnikatsiia salasyndaǵy trendtik úrdister men qundylyqtar júiesi týraly qajet maǵlumattar aldy. Psihologiialyq treningte jastar ár azamattyń otbasy, orta, qoǵam, memleket sheńberindegi alar orny jaily túsinik alyp, jeke qyzyǵýshylyqtaryn aiqyndaý, onyń ishinde tsifrly ortada adamnyń jeke qundylyqtar júiesine adal bolýyn qamtý máseleleri boiynsha bilimderin arttyrdy.
Rýhy azat, kókiregi oiaý urpaqtyń ósýine jaǵdai jasaýdy maqsat tutqan «AMANAT» partiiasy, otanshyl azamattar shoǵyryn qalyptastyrýǵa qyzmet etetin mundai sharalardy ótkizýdi aldaǵy ýaqytta da jalǵastratyn bolady. Qoǵam bolyp birigip eńbekqor, daryndy, bilimdi, ozyq oily ultty qalyptastyratyn bolamyz.
