Astanada ómir súretin túrli etnostardyń ókilderi arasynda dostyq, syilastyq jáne ózara qarym-qatynasty nyǵaitýǵa baǵyttalǵan aktsiia ótti, dep habarlaidy elorda ákimdiginiń resmi saity.
Is-shara Pasha merekesine orai monastyr ǵibadathanasynyń aldyndaǵy alańda ótti.
Saltanatty litýrgiia men krest joryǵynan keiin ǵibadathana aýmaǵynda simvoldyq táttiler syiǵa berildi. Al qonaqqa kelgen ózge konfessiialardyń ókilderine pasha jumyrtqalary syiǵa berildi. Óz kezeginde qonaqtar baýyrsaq ákeldi.
Aktsiiaǵa qatysýshylardyń biri Adiia Iliias bylai dep óz oiymen bólisti: «Biz elorda turǵyndary bul kúni ǵibadathanaǵa ulttyq taǵamdarymyzdy taratýǵa, qalamyzdyń pravoslav turǵyndaryn quttyqtaýǵa jáne qoldaýǵa keldik. Óitkeni, senim men ultqa qaramastan bir-birimizdi qoldaýymyz kerek».
Is-shara elordanyń túrli etnos ókilderi arasyndaǵy úilesimdiliktiń, birlik pen ózara syilastyqtyń erekshe úlgisine ainaldy.
