Qasym-Jomart Toqaev Memlekettik keńesshi – Parlamenttik reforma jónindegi jumys tobynyń jetekshisi Erlan Qarindi qabyldady, dep habarlaidy Dalanews.kz.
Prezidentke Parlamenttik reforma jónindegi jumys toby qyzmetiniń aralyq nátijeleri týraly baiandaldy.
Erlan Qarinniń aitýynsha, e-Otinish memlekettik platformasy men Egov servisinde «Parlamenttik reforma» arnaiy bólimi iske qosylǵaly beri bir aidyń ishinde azamattar men qoǵam belsendileri tarapynan osy máselege qatysty 300-ge jýyq usynys kelip tústi.
Budan bólek, 6 saiasi partiia, atap aitqanda, «Amanat», «Aýyl», «Aq jol», «Respublica», Qazaqstan Halyq partiiasy jáne Jalpyulttyq sotsial-demokratiialyq partiiasy óz usynystaryn joldady. Onda bir palataly parlamenttiń qyzmeti men parlamenttik partiialardyń ókilettigine qatysty tetikter qamtylǵan.
Sonymen qatar Parlamenttik reforma jónindegi jumys tobynyń músheleri sarapshylyq materialdar ázirledi.
Qazir barlyq usynysty taldaý jáne júieleý isi qolǵa alyndy. Jumys tobynyń ekinshi otyrysyn biyl 2 jeltoqsanda ótkizý josparlanǵan. Jiynda usynystar jekelegen baǵyttar boiynsha jan-jaqty qarastyrylady.
Memleket basshysy eldegi saiasi jańǵyrýdyń jańa kezeńi bolatyn aldaǵy parlamenttik reformanyń mán-mańyzyna toqtaldy.
Qasym-Jomart Toqaev kelip túsken barlyq bastamany jan-jaqty qarap, olardyń negizinde parlamenttik júieni jańǵyrtý boiynsha naqty usynymdar ázirleýdi tapsyrdy.
