Armeniiadaǵy parlament sailaýynda premer-ministr Nikol Pashiniannyń «Azamattyq kelisim» partiiasy aldyn ala nátijeler boiynsha kósh bastap tur. Respýblika Ortalyq sailaý komissiiasynyń málimetinshe, sailaýshylar daýysynyń 90%-y sanalǵannan keiin partiia 50,25% daýys jinaǵan, dep habarlaidy dalanews.kz.
Ekinshi orynda kásipker Samvel Karapetian jetekshilik etetin «Kúshti Armeniia» partiiasy 23,31% nátijemen tur. Úshinshi orynǵa eldiń burynǵy prezidenti Robert Kochariannyń «Armeniia» blogy 9,78% daýyspen jaiǵasqan. Al Gagik Tsarýkiannyń «Gúldengen Armeniia» partiiasy 4,2% daýys jinady.
Osylaisha, qazirgi esep boiynsha oppozitsiialyq kúshterdiń jiyntyq kórsetkishi 36,88%-dy qurap otyr.
Resmi derekterge sáikes, ázirge 2005 sailaý ýchaskesiniń 1199-yndaǵy biýlletender ǵana tolyq sanalǵan.
Armeniia zańnamasyna sai partiialar úshin parlamentke ótý shegi 4%, al saiasi bloktar úshin 8% bolyp belgilengen.
Daýystardyń shamamen 10%-y sanalǵan kezde Nikol Pashinian onyń «Azamattyq kelisim» partiiasy parlamenttik sailaýda jeńiske jetip, úkimetti jeke ózi jasaqtaitynyn málimdegen. Alaida oppozitsiialyq partiia ókilderi premer-ministrdiń bul málimdemesin Ortalyq sailaý komissiiasyna qysym kórsetý áreketi dep baǵalady.
