Parlament kitaphanasynda qazaq tilinde jaryq kórgen «Jasandy intellekt álippesi» atty ádistemelik quraldyń tanystyrylymy ótti, – dep habarlaidy Dalanews.kz.
Bul – jasandy intellekt negizderin qarapaiym ári uǵynyqty tilmen túsindiretin alǵashqy qazaq tildi jinaq.
Kitapta jasandy intellektini túrli salada tiimdi qoldanýǵa arnalǵan myńnan astam arnaiy qurastyrylǵan prompt úlgileri qamtylǵan.
Avtor Meiirjan Áýelhanulynyń aitýynsha, bul eńbek bilim berý júiesinde, memlekettik basqarýda jáne kásibi biliktilikti arttyrýda praktikalyq kómekshi qural retinde paidalanýǵa yńǵaily. Aqparattyq tehnologiialar salasynda mol tájiribesi bar avtor jinaqtyń qoǵamdaǵy tehnologiialyq saýattylyqty arttyrýǵa eleýli úles qosatynyn atap ótti.
Shara barysynda Májilis depýtattary jasandy intellekt pen tsifrlyq transformatsiianyń mańyzy artyp kele jatqan qazirgi kezeńde mundai eńbekterdiń kreativti jáne saraptamalyq oilaý qabiletin damytýǵa yqpal etetinin aitty. Sonymen qatar «Jasandy intellekt týraly» zań jobasyn qaraý barysynda bul kitap metodologiialyq qural retinde paidaly bolatyny da atap ótildi.
