پارلامەنت كىتاپحاناسىندا قازاق تىلىندە جارىق كورگەن «جاساندى ينتەللەكت الىپپەسى» اتتى ادىستەمەلىك قۇرالدىڭ تانىستىرىلىمى ءوتتى، – دەپ حابارلايدى Dalanews.kz.
بۇل – جاساندى ينتەللەكت نەگىزدەرىن قاراپايىم ءارى ۇعىنىقتى تىلمەن تۇسىندىرەتىن العاشقى قازاق ءتىلدى جيناق.
كىتاپتا جاساندى ينتەللەكتىنى ءتۇرلى سالادا ءتيىمدى قولدانۋعا ارنالعان مىڭنان استام ارنايى قۇراستىرىلعان پرومپت ۇلگىلەرى قامتىلعان.
اۆتور مەيىرجان اۋەلحان ۇلىنىڭ ايتۋىنشا، بۇل ەڭبەك ءبىلىم بەرۋ جۇيەسىندە، مەملەكەتتىك باسقارۋدا جانە كاسىبي بىلىكتىلىكتى ارتتىرۋدا پراكتيكالىق كومەكشى قۇرال رەتىندە پايدالانۋعا ىڭعايلى. اقپاراتتىق تەحنولوگيالار سالاسىندا مول تاجىريبەسى بار اۆتور جيناقتىڭ قوعامداعى تەحنولوگيالىق ساۋاتتىلىقتى ارتتىرۋعا ەلەۋلى ۇلەس قوساتىنىن اتاپ ءوتتى.
شارا بارىسىندا ءماجىلىس دەپۋتاتتارى جاساندى ينتەللەكت پەن سيفرلىق ترانسفورماسيانىڭ ماڭىزى ارتىپ كەلە جاتقان قازىرگى كەزەڭدە مۇنداي ەڭبەكتەردىڭ كرەاتيۆتى جانە ساراپتامالىق ويلاۋ قابىلەتىن دامىتۋعا ىقپال ەتەتىنىن ايتتى. سونىمەن قاتار «جاساندى ينتەللەكت تۋرالى» زاڭ جوباسىن قاراۋ بارىسىندا بۇل كىتاپ مەتودولوگيالىق قۇرال رەتىندە پايدالى بولاتىنى دا اتاپ ءوتىلدى.
