Qazaqstanda maýsym aiynda 125 sybailas jemqorlyq qylmysy tirkeldi. Qazaqstan Respýblikasynyń Ulttyq qaýipsizdik komitetiniń málimetinshe, olardyń 97-si para alý nemese para berýge qatysty bolǵan, dep habarlaidy dalanews.kz.
Maýsym aiynda 67 adam kúdikti dep tanyldy. Osy kezeńde 149 qylmystyq istiń tergeýi aiaqtalyp, onyń 129-y sotqa jiberildi.
Paraqorlyqtan bólek, tirkelgen qylmystardyń qatarynda alaiaqtyq, memleket qarjysyn jymqyrý, qyzmettik jalǵandyq jasaý jáne laýazymdyq ókilettigin asyra paidalaný derekteri de bar.
Tergeýi aiaqtalǵan ister boiynsha memleketke keltirilgen shyǵyn kólemi 4,7 mlrd teńgeni qurady. Onyń 2,1 mlrd teńgesi memleketke qaitarylǵan.
Sonymen qatar kúdiktilerge tiesili 971 mln teńgeden astam múlikke tyiym salyndy.
