Eske sala ketsek, aqpan aıynyń basynda UQK departamenti men oblystyq arnaıy tergeý prokýratýrasy birlesip, buǵan deıin Qylmystyq kodekstiń 366-baby 4-bóligi boıynsha tirkelgen sotqa deıingi tergeý isi boıynsha "Almaty oblysynyń bilim basqarmasy" MM basshysy, 1969 jyly týǵan Omarova Maıgúl Tileýtaıqyzy, 1992 jyly týǵan, "Almaty oblystyq bilim berý salasyndaǵy ǵylymı-tájirıbelik aqparattyq tehnologıalar ortalyǵy" komýnaldyq memlekettik mekemesiniń basshysy Menlybaev Arapbı Aıdynuly jáne 1989 jyly týǵan, Almaty oblysynyń bilim basqarmasynyń kúrdeli jóndeý jáne memlekettik satyp alý bóliminiń bas mamany Abdoldanova Baqyt Saǵatqyzynyń jemqorlyq áreketterin áshkereledi.
Bul úsheýi ózara aldyn ala kelisimmen 1 aqpan kúni "Azım", "Lazer", "LapTop", "LuckCom", "Almas", "Kydyralınov" Nýkenova N.J. degen birneshe jeke kásipkerlik nysandarynyń ókilinen 37 mıllıon 650 myń teńge para alǵan.
Asa iri kólemdegi para 2020 jyldyń qazan-qarasha aılarynda atalǵan kásiporyndarmen bir kózden memlekettik satyp alý ádisimen 406 mıllıon teńgege 2522 dana noýtbýk alý týraly kelisimshart jasasqany úshin jáne jetkizilgen noýtbýkterdi kedergisiz qabyldaý úshin alynǵan.
Noýtbýkter pandemıa jaǵdaıynda Almaty oblysynyń orta bilim mekemelerinde qashyqtan oqytýdy qamtamasyz etý úshin "Jumyspen qamtý jol kartasy 2020" memlekettik baǵdarlamasynyń aıasynda alynǵan.
Júrgizilgen tintý kezinde qolma-qol aqshalaı aıǵaq zat – 37 mıllıon 450 myń teńge tabylyp, tárkilendi.
