ەسكە سالا كەتسەك، اقپان ايىنىڭ باسىندا ۇقك دەپارتامەنتى مەن وبلىستىق ارنايى تەرگەۋ پروكۋراتۋراسى بىرلەسىپ، بۇعان دەيىن قىلمىستىق كودەكستىڭ 366-بابى 4-بولىگى بويىنشا تىركەلگەن سوتقا دەيىنگى تەرگەۋ ءىسى بويىنشا "الماتى وبلىسىنىڭ ءبىلىم باسقارماسى" مم باسشىسى، 1969 جىلى تۋعان وماروۆا مايگۇل تىلەۋتاي قىزى، 1992 جىلى تۋعان، "الماتى وبلىستىق ءبىلىم بەرۋ سالاسىنداعى عىلىمي-تاجىريبەلىك اقپاراتتىق تەحنولوگيالار ورتالىعى" كوممۋنالدىق مەملەكەتتىك مەكەمەسىنىڭ باسشىسى مەنلىبايەۆ اراپبي ايدىن ۇلى جانە 1989 جىلى تۋعان، الماتى وبلىسىنىڭ ءبىلىم باسقارماسىنىڭ كۇردەلى جوندەۋ جانە مەملەكەتتىك ساتىپ الۋ ءبولىمىنىڭ باس مامانى ابدولدانوۆا باقىت ساعات قىزىنىڭ جەمقورلىق ارەكەتتەرىن اشكەرەلەدى.
بۇل ۇشەۋى ءوزارا الدىن الا كەلىسىممەن 1 اقپان كۇنى "ازيم"، "Lazer"، "LapTop"، "LuckCom"، "الماس"، "كىدىرالينوۆ" نۋكەنوۆا ن.ج. دەگەن بىرنەشە جەكە كاسىپكەرلىك نىساندارىنىڭ وكىلىنەن 37 ميلليون 650 مىڭ تەڭگە پارا العان.
اسا ءىرى كولەمدەگى پارا 2020 جىلدىڭ قازان-قاراشا ايلارىندا اتالعان كاسىپورىندارمەن ءبىر كوزدەن مەملەكەتتىك ساتىپ الۋ ادىسىمەن 406 ميلليون تەڭگەگە 2522 دانا نوۋتبۋك الۋ تۋرالى كەلىسىمشارت جاساسقانى ءۇشىن جانە جەتكىزىلگەن نوۋتبۋكتەردى كەدەرگىسىز قابىلداۋ ءۇشىن الىنعان.
نوۋتبۋكتەر پاندەميا جاعدايىندا الماتى وبلىسىنىڭ ورتا ءبىلىم مەكەمەلەرىندە قاشىقتان وقىتۋدى قامتاماسىز ەتۋ ءۇشىن "جۇمىسپەن قامتۋ جول كارتاسى 2020" مەملەكەتتىك باعدارلاماسىنىڭ اياسىندا الىنعان.
جۇرگىزىلگەن ءتىنتۋ كەزىندە قولما-قول اقشالاي ايعاق زات – 37 ميلليون 450 مىڭ تەڭگە تابىلىپ، تاركىلەندى.
