Astananyń qylmystyq ister jónindegi aýdanaralyq soty otyn-energetika kesheni jáne kommýnaldyq sharýashylyq basqarmasynyń burynǵy basshysy Marsel Uzaqovqa qatysty úkim shyǵardy. Oǵan 3 jyl 6 aiǵa bas bostandyǵyn shekteý jazasy kesildi. Sheneýnik sot zalynda qamaýdan bosatyldy, dep habarlaidy Dalanews.kz.
Buǵan deiin Astana ákimdiginiń otyn-energetika kesheni basqarmasynyń basshysy iri kólemde para aldy degen kúdikke ilingen edi. Bul týraly aqparatty Sybailas jemqorlyqqa qarsy agenttiktiktiń resmi ókili Arman Tileýkenov rastaǵan bolatyn.
Sheneýnik jeke kompaniia basshysynan úi túrinde iri kólemde para alǵan.
Osylaisha 2023 jyly 13 qarashada Astana qalasynyń mamandandyrylǵan aýdanaralyq tergeý soty qala ákimdiginiń otyn-energetikalyq kesheni jáne kommýnaldyq sharýashylyq basqarmasynyń basshysy Marsel Uzaqovqa qatysty 2 ai merzimge kúzetpen ustaý túrindegi bultartpaý sharasyn sanktsiialady.
