Qazaqstan Respýblikasy Syrtqy ister ministriniń birinshi orynbasary Aqan Rahmetýllin Úndistan men Pákistan arasyndaǵy shielenistiń ýshyǵýyna bailanysty atalǵan elderde júrgen qazaqstandyq azamattardy evakýatsiialaý máselesine qatysty pikir bildirdi, dep habarlaidy Dalanews.kz.
Búgin ótken brifing barysynda Ulysmedia.kz tilshisi Syrtqy ister ministrliginiń osy jaǵdaiǵa bailanysty qandai da bir naqty sharalardy qolǵa alyp jatqanyn surady.
"Bul eki memlekette de bizdiń azamattar bar. Meniń bilýimshe, Pákistandaǵylardyń sany Úndistanǵa qaraǵanda kóbirek. Bul – elshilikte resmi tirkeýde turǵan azamattar. Qazirgi tańda ol jaqta keń aýqymdy áskeri qaqtyǵystar tirkelgen joq, tek shekara mańyndaǵy aimaqtarda oqshaý shabýyldar oryn alǵan. Sondyqtan evakýatsiia máselesi ázirge kún tártibinde turǵan joq", – dedi Rahmetýllin.
Aita ketsek, 7 mamyrǵa qaraǵan túni baqylaýǵa jatatyn syzyqta Úndistan men Pákistan arasynda atys bastaldy. Zymyrandar da iske qosyldy. Odan keiin Úndistan "Sindýr" operatsiiasyn bastap ketti. Úndistannyń Pendjab jáne Pákistannyń Kashmir eldimekenderinde bolǵan atys saldarynan 31 adam qaza taýyp, taǵy birneshe ondaǵan adam jaraqat aldy.
Jalpy, Úndistan men Pákistan arasyndaǵy shielenis 2025 jyly 22 sáýirde Kashmirde bolǵan teraktiden keiin ýshyǵa tústi. Ol kezde 26 adam qaza tapqan edi.
