Ózen boiynan tas pen qum tasyǵandarǵa tosqaýyl qoiylady
Zańsyz jer qoinaýyn paidalanýshylarmen kúres Túrkistan oblysynyń ákimi Ómirzaq Shókeevtiń jeke baqylaýynda. Oblys ákiminiń orynbasary Ulan Tájibaevtyń basqarýymen arnaiy jumysshy top quryldy. Búginnen bastap, Túrkistan oblysy ákimdiginiń «Sitýatsiialyq ortalyǵy» oblys aýmaǵyndaǵy barlyq ózen arnalarynda ǵarysh monitoringi arqyly baqylaý júrgizedi. Áshkerelengen zańsyz áreketterdiń dálelderi jinaqtalady. Mobildi toptar óńirdegi ózen arnalaryndaǵy qum men qiyrshyqtas qospasyn zańsyz qazǵandarǵa qarsy kúres ashty. Zańsyz júk tielgen kólikterdiń joly jabylyp, qylmystyq is qozǵalady, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Túrkistan oblysy aýmaǵynda zańsyz jer qoinaýyn paidalaný men qorshaǵan ortaǵa asa iri kólemde zalal keltirip jatqan qylmystyq toptardyń áreketin áshkereleý máselesi oblys ákimi Ómirzaq Shókeevtiń tóraǵalyǵymen ótken májiliste talqylandy. Oblys aýmaǵynda keń taralǵan paidaly qazbalardy óndirýge jalpy 110 kelisimshart jáne 38 litsenziia berilgen. Búginnen bastap litsenziia berýge moratorii jariialandy.
– Zańsyz jer qoinaýyn paidalaný kóbeiip ketti. Ásirese ózenderdiń boiyndaǵy tas, qum qazǵandardyń jolyn kesip, qyzmetine tosqaýyl qoiý kerek. Bul máseleni aýdandarda ótken kezdesý kezinde aýyl aqsaqaldary kóterip, alańdaýshylyq bildirgen bolatyn. Tabiǵatqa qiianat jasaýǵa bolmaidy. Ózen arnasyn taba almai qaldyq. Tártip ornatpai, tynbaimyn, – dedi oblys ákimi Ómirzaq Shókeev.
Qum, tas kareriniń kesirinen ózender sarqylyp, aýyldar sýsyz qalyp, kópirler men joldar jaramsyz kúige túsýde. Jer qyrtysy búlinip, taýdaǵy bulaqtar tartylyp jatyr. Keń taralǵan paidaly qazbalardan shaǵaltas, kum, topyraq, gips, as tuzy, ák-tas sekildi paidaly qazbalary óndiriledi. Qurylys nysandarynyń shoǵyrlanǵan aýmaǵy men paidaly qazbalar qorylarynyń ornalasqan ornyn eskere otyryp, ruqsat qujattary negizinen Kentaý qalasy jáne Sairam, Ordabasy aýdandary aýmaqtaryna rásimdelgen. Zańsyz qyzmetke tosqaýyl qoiý joldary talqylanǵan jiynda oblys ákimi quzyrly organ basshylaryna naqty tapsyrmalar júktedi.
Quzyrly organdar tas qazatyn jerlerdi jaýyp, ruqsat qujattardyń kúshin joiý úshin kúsh salady. Osy ýaqytqa deiin ekologtar tekserip, zań buzýshylyqqa barǵandarǵa aiyppul salýmen shekteledi. Otyrysta oblystyq mamandandyrylǵan tabiǵat qorǵaý prokýrory Serik Ábdiev jer qoinaýyn paidalanýdy joiýdyń bir joly retinde qylmysy qaitalanǵandardyń múlkin zańdy túrde tárkileýdi usyndy. Biyldyń ózinde 8 qylmystyq quramy bar jer qoinaýyn zańsyz paidalaný faktileri anyqtalyp, 1,827 mlrd.tg. kólemdegi qorshaǵan ortaǵa keltirilgen zalaldy sotpen májbúrlep óndirilýde.
