Eýraziialyq ekonomikalyq odaqty (EAEO) Resei 2015 jyly Belarýs jáne Qazaqstanmen birge qurdy. Keiin uiymǵa Armeniia men Qyrǵyzstan kirdi. Burynǵy sovettik taǵy bir respýblika – Moldova uiymǵa baqylaýshy bolyp tirkelgen.
Blok uiym aiasynda erkin saýda jasap, kapital almasýǵa umtylady, biraq onyń birqatar múshesi saýda shekteýlerine syn aityp júr.
EAEO Ózbekstandy da uiymǵa qosyp alǵysy keledi. Islam Karimov biligi kezinde Tashkent blokqa umtylmady.
Baqylaýshylardyń aitýynsha, prezident Shavkat Mirziiaev bilikke kelgen soń, Ózbekstan-Resei qarym-qatynasy jyli bastady. Mirziiaev elge shetel investitsiiasyn tartqysy keledi.
34 million halqy bar Ózbekstan uiymǵa kirgen jaǵdaida, ol ekonomikalyq odaqtyń Reseiden keiingi tutyný naryǵy úlken elge ainalady.
24 qańtarda Mirziiaev parlamentke joldaýynda úkimet "Eýraziialyq ekonomikalyq odaqpen áriptes bolý joldaryn zerttep jatqanyn" málimdegen.
