Ózbekstanmen aradaǵy keden beketteri josparǵa sai jumys istep tur
Bul óńir kórshi memlekettiń Tashkent, Syrdariia jáne Jizaq oblystarymen shektesedi. Túrkistan oblysy boiynsha memlekettik kirister departamentiniń habarlaýynsha, Ózbekstan Respýblikasymen shektesetin 6 keden beketi bar. Sonyń ishinde avtokólik quraldary boiynsha «Qazyǵurt», «Jibek Joly», «Qaplanbek», «B.Qonysbaev», «Atameken» beketteri jumys istese, temir jol vagondary boiynsha 2 baqylaý pýnkti ornatylǵan.
Búginde «B.Qonysbaev» keden beketi táýliktik rejimde jumys atqaryp jatyr. Bul bekettiń júk avtokólik quraldarynyń ótkizý qabileti — 100 dana. Júk kólikterin ótkizý eki jolaq arqyly júzege asyrylady: «kirý» jáne «shyǵý».
Qazirgi tańda «B.Qonysbaev» keden beketinde taýar ainalymy kúrt ósti. Máselen, 2017 jyly 13678 tranzittik deklaratsiia jasalsa, biyl 20593 deklaratsiiaǵa jetken. 2017 jyly 22 823 júk kólik quraly, al, biyl 28757 júk kóligi ótken. Jeńil avtokólikter sany da kóbeigen.
Eki jaqtyń kezdesýinen keiin QR QM MKK nusqaýyna sáikes «B. Qonysbaev» keden bekti arqyly 130 júk avtokóligin ótkizý tapsyryldy.
2018 jyldyń 11 qazany túngi saǵat 01:00 de «B.Qonysbaev» keden beketine kireberis jerde Qazaqstan Respýblikasy jaǵynan shamammen 200-ge jýyq kólik quraly kepteliste turǵan. Bir táýlik ishinde keden beketi arqyly Ózbekstan Respýblikasyna 152 júk, 17 jeńil kólik quraldary, iaǵni 169 kólik quraly ótkizildi. Keden beketinen ótetin árbir avtokólikti tekserýge 7-9 minýt ketedi.
Túrkistan oblysy boiynsha Memlekettik kirister departamentine jáne keden beketine Ózbekstan Respýblikasy júrgizýshileri tarapynan aqsha bopsalaý týraly aryz-shaǵymdar kelip túspegen.
Qazirgi tańda keden beketinde kezekshilikke túsý kestesi kúsheitilgen tártipke jáne eki táýliktik rejimge aýystyryldy. Atalǵan másele departamenttiń qatań baqylaýyna alynǵan. Sonymen qatar, tasymaldaýshylarǵa túsindirý jumystary júrgizilip, arnaiy jumys toby quryldy.
Túrkistan oblysy ákiminiń baspasóz qyzmeti
