BAQ málimetinshe, etnikalyq qazaq ózbekstandyq boksshy Saiat Iliasov Qazaqstan azamattyǵyn alýǵa sheshim qabyldaǵan. Alaida Qazaqstan boks federatsiiasy bul mámile áli aiaqtalýǵa jaqyn emes ekenin málimdedi, dep habarlaidy Dalanews.kz.
Vesti.kz portaly jýrnalist Aslan Kajenovke silteme jasap, 22 jasqa deiingi jastar arasyndaǵy Aziia chempiony Ózbekstan quramasynan shyǵyp, Qazaqstan ulttyq quramasyna ótýge talpynyp jatqanyn habarlady.
BAQ-ta taraǵan aqparatqa sáikes, etnikalyq qazaq ishki jarystarda Mańǵystaý oblysynyń namysyn qorǵaýy múmkin. Sonymen qatar ol naýryz aiynda qazaqstandyq promoýshenderdiń birinde kásipqoi boksta debiýt jasaýdy josparlap otyr.
Alaida Qazaqstan boks federatsiiasy qazirgi tańda Iliasovty Ózbekstan federatsiiasynan bosatý týraly eshqandai resmi qujat túspegenin aitty.
«Búginge deiin Qazaqstan boks federatsiiasyna Ózbekstan sportshysy - Saiat Iliasovty tirkeýden shyǵarý jóninde eshqandai hat kelip túsken joq. Azamattyqty aýystyrý jáne basqa eldiń atynan óner kórsetý - uzaq ári kúrdeli protsess. Azamattyqtan bólek, sportshy halyqaralyq federatsiia talaptaryna sai sporttyq azamattyǵyn da ózgertýi tiis. Bul ulttyq federatsiianyń resmi ótinishi negizinde júzege asyrylady. Sondai-aq keiin ulttyq qurama qataryna ený úshin sportshy Qazaqstan chempionatynyń sońǵy nátijeleri boiynsha júldegerler qatarynda bolýy qajet», - dep jaýap berdi Qazaqstan boks federatsiiasy Tengri Sport resmi saýalyna.
Aita keteiik, Saiat Iliasov - 63,5 keli salmaq dárejesinde Ózbekstan chempionatynyń qola júldegeri, sondai-aq U-22 sanatyndaǵy Aziia chempiony.
