Ózbekstanda elektron temekilerdi (veipterdi) jáne nikotin jetkizýdiń osyndai júielerin elge ákelýge, alyp shyǵýǵa, satýǵa, satyp alýǵa jáne saqtaýǵa tyiym salyndy, dep habarlaidy Dalanews.kz.
Bul norma el prezidenti Shavkat Mirziioev 27 qarashada qol qoiǵan zańda bekitilgen.
Zańnamaǵa engizilgen ózgeristerge sáikes, veipterdi importtaý jáne satý úshin taǵaiyndalatyn eń jeńil jaza – 300-den 500-ge deiingi bazalyq eseptik birlik (BEB) kólemindegi aiyppul. Bul 123,6 mln sýmnan (shamamen $10,3 myń) 206 mln sýmǵa ($17,3 myń) deiingi mólsher.
Sonymen qatar, 2 jyldan 3 jylǵa deiingi merzimge túzetý jumystary, 3 jyldan 5 jylǵa deiingi bostandyqty shekteý túrindegi sanktsiialar qarastyrylǵan. Eń qatań jaza – 3 jyldan 5 jylǵa deiingi merzimge bas bostandyǵynan aiyrý.
Qazaqstandaǵy jaǵdai
Aita keteiik, Qazaqstanda 2024 jylǵy 20 maýsymnan bastap elektron temekini ákelýge, daiyndaýǵa jáne satýǵa tyiym salý kúshine endi. Olardyń ainalymy úshin qylmystyq jaýapkershilik engizildi:
1.Satqany úshin jaza: 200 AEK-ke deiin aiyppul, 200 saǵatqa deiin qoǵamdyq jumystar nemese 50 táýlikke deiin qamaýǵa alý.
2.Ákelý jáne taratý úshin jaza: 2000 AEK-ke deiingi aiyppul, 600 saǵatqa deiingi qoǵamdyq jumystar, eki jylǵa deiingi merzimge shekteý nemese bas bostandyǵynan aiyrý.
3.Qylmystyq top jasaǵan sol áreketter úshin aiyppul asa iri mólsherde nemese birneshe ret: 5000 AEK-ke deiin aiyppul, 1200 saǵatqa deiin qoǵamdyq jumystar, bes jylǵa deiin shekteý nemese bas bostandyǵynan aiyrý.
