Básekelestikti qorǵaý jáne damytý agenttigi (BQDA) tóraǵasynyń orynbasary Bolat Sambetov memlekettik organ ókilderi Iandeks.Taksi qyzmetiniń ár sapardan ustaityn komissiia mólsherin ózgertý boiynsha kelissózder júrgizip jatqanyn málimdedi, dep habarlaidy Dalanews.kz.
Qazaqstannyń básekelestik máseleleri jónindegi zańnamasyna túzetýlerdi talqylaý barysynda Májilis depýtaty Nurtai Sabilianov Iandeks.Taksi-ge qatysty qandai sharalar qabyldanatynyn surady.
Sambetov buǵan deiin agenttik kompaniianyń algoritmdik baǵa belgileý aýditin aiaqtap, onyń nátijelerin zertteýge kiriskenin eske saldy.
“Osy nátijelerge súiene otyryp, naqty sharalar qabyldaýdy josparlap otyrmyz. Májiliste sońǵy ret bolǵanymyzda, shekti baǵa engizý múmkindigi de talqylanǵan. Qazirgi ýaqytta Iandeks ár sapardan shamamen 16% komissiia ustaidy, oǵan qosa 4% taksoparkterge tiesili. Bul Astana men Almatyda shamamen 16%. Basqa qalalarda, árine, tómendeý. Biz álemdik tájiribeni zerttep jatyrmyz – ár elde ártúrli, keibirinde 30%-ǵa deiin jetedi. Al Ózbekstanda, mysaly, tómen. Qazir osy máseleni kóterip otyrmyz. Iandeks ókilderine: “Ózbekstanda 13% ustaisyzdar, al Qazaqstanda nege 16%?” degen suraq qoidyq. Bul suraqtar boiynsha kelissózder júrgizip jatyrmyz”, – dedi BQDA tóraǵasynyń orynbasary.
Depýtat Sabilianov BQDA-dan Iandeks.Taksi-ge qatysty usynystar daiyndap, olardy parlamenttiń jumys tobyna engizýdi talap etti.
