Túrkistan oblysy prokýratýrasynyń úilestirýimen, Qarjylyq monitoring agenttiginiń jáne Ulttyq qaýipsizdik komitetiniń oblystyq departamentteri birlesip, Ózbekstan quqyq qorǵaý organdarynyń qoldaýymen janarmai ónimderin jasyryn tonnel arqyly shekaradan ótkizýmen ainalysqan halyqaralyq qylmystyq toptyń áreketin áshkereledi, dep habarlaidy Dalanews.kz.
Tergeý barysynda Qazaqstan men Ózbekstan arasyndaǵy shekaraǵa jaqyn aýmaqta top músheleri 450 metrlik jerasty tonnelin qazǵany anyqtaldy.
Qylmystyq shema 2 ai boiy jumys istegen. Osy ýaqyt ishinde shetelden qarjylandyrylyp otyrǵan janar-jaǵarmai materialdaryn tasymaldaýǵa arnalǵan logistikalyq baǵyttar men jasyryn shyǵarý arnasy qurylǵan.
Operatsiia barysynda Ózbekstan tarapy da óz aýmaǵynda dál osyndai sharalar júrgizgen.
Nátijesinde qylmystyq áreketke qatysy bar barlyq tulǵalar anyqtaldy. Qazaqstan Respýblikasynyń 5 azamaty kúdikti retinde tanyldy.
Qazirgi ýaqytta tergeý aiaqtalyp, qylmystyq is sotqa joldandy.
