Ózbekstan azamattaryn Eýropa men AQSh-ta joǵary jalaqyly jumysqa jibermek. Sonymen qatar, Shvetsiia, Daniia, Norvegiia jáne AQSh-pen kelissózder júrip jatyr, dep habarlaidy Dalanews.kz.
Ózbekstan prezidenti Shavkat Mirziioev Syrtqy ister ministrligine azamattardy shetelde jumyspen qamtý jónindegi kelissózderdi jandandyrýdy tapsyrdy. Basymdyq Eýropa elderi men AQSh-qa berilip otyr.
Qazirgi tańda ózbekstandyqtar 30-dan astam elde jumys isteidi. Germaniia, Japoniia jáne Ońtústik Koreia kadr daiarlaý úshin arnaiy kýrstar uiymdastyrǵan. Aldaǵy josparǵa sáikes, Japoniiaǵa 10 myń maman jiberý jáne Ulybritaniiaǵa maýsymdyq jumysshylardy joldaý kózdelip otyr.
Shvetsiia, Daniia jáne Norvegiia shamamen 300 myń jumys kúshine muqtaj. Norvegiia 2026 jyly 3 myń adamdy oqytyp daiyndaýǵa daiyn ekenin bildirse, Shvetsiia 500 áleýmettik qyzmetkerdi jumysqa qabyldaýǵa nietti. Al AQSh-taǵy elshige Ózbekstandy maýsymdyq jumys baǵdarlamalaryna qatysatyn elder tizimine engizý jóninde kelissóz júrgizý tapsyrylǵan.
