Bir apta buryn shabýylǵa ushyraǵan Shymkent ákiminiń orynbasary Rýslan Berdenovtiń jaǵdaiy belgili boldy,- dep habarlaidy Dalanews.kz.
Bul týraly densaýlyq saqtaý ministri Aqmaral Álnazarova aitty.
"Tórt saǵatqa sozylǵan meditsinalyq kómek kórsetilip, naýqasqa ota jasaldy. Qazir naýqastyń jaǵdaiy turaqty, óz betimen júrip-tura alady. Alaida áli de dárigerlerdiń baqylaýynda", - dedi ministr.
Ákimdik mańyndaǵy atys týraly
21 sáýirde Shymkent qalasy ákimdigi ǵimaraty mańynda atys boldy. Saldarynan Rýslan Berdenov jaraqat aldy. Politsiia málimetinshe, kúdikti ustalyp, ýaqytsha ustaý izoliatoryna qamalǵan, bul derek boiynsha qylmystyq is qozǵalǵan.
Al Densaýlyq saqtaý ministrligi málimetinshe, Rýslan Berdenovke operatsiia jasalǵan, ómirine qaýip joq.
"Shymkent qalasy ákiminiń orynbasary oq jaraqatymen qalalyq aýrýhanaǵa tústi. Oǵan shuǵyl operatsiia jasaldy. Operatsiia barysynda qan ketý toqtatyldy, zaqym qalpyna keltirildi. Ómirine qaýip joq", - dep jazylǵan buǵan deiingi habarlamada.
Málimetke súiensek, onyń jaǵdaiy turaqty aýyr dep baǵalanady. Sheneýnik dárigerlerdiń turaqty baqylaýynda jáne qajet meditsinalyq kómekti alyp jatyr.
