«Yrys» mıkroqarjy uıymy Túrkistan oblysynda jańadan «Yrys-órkendeý» baǵdarlamasyn iske qosqany belgili. Oblys ákimi Janseıit Túımebaevtyń tapsyrmasy aıasynda júzege asyrylyp jatqan joba boıynsha endi uıym sharýalarǵa avanstyq tólemsiz qarjylyq lızıń túrinde qoldaý kórsetedi. Bul jaıynda «ONTUSTIK» aımaqtyq ınvestısıalyq ortalyǵy» basqarmasy tóraǵasynyń orynbasary Temýr Abıldınov otyrarlyq sharýalarmen túsindirip berdi.
Jıynda «Yrys» mıkroqarjy uıymy dırektorynyń orynbasary Erlan Erjanov atalǵan baǵdarlamanyń ereksheligi jáne artyqshylyǵy týraly baıandady. Ol óz sózinde:
– Búginde sharýalardyń aýylsharýashylyǵyna arnalǵan jańa tehnıkalardy 9 paıyzben 84 aıǵa, ıaǵnı, 7 jylǵa 10 mln teńgege deıin kepil múliksiz lızıńke alýǵa múmkindik týyp otyr. Osy baǵdarlama boıynsha kásipkerler aýylsharýashylyǵy maqsatyndaǵy jáne aýylsharýashylyǵy tehnıkalaryna qajetti jabdyqtardy satyp ala alady. Munda aldyn ala tólem retinde 25 paıyz ınvestısıalyq sýbsıdıa tólenedi. Lızıńke Túrkistan oblysynda kásipkerlikpen aınalysatyn zańdy tulǵalar, sharýa qojalyqtar, jeke kásipkerler jáne aýylsharýashylyǵy óndiristik kooperatıvteri qol jetkize alady, – dedi.
Jıyn barysynda sharýalar uıym basshylaryna ózderin tolǵandyrǵan kókeıdegi saýaldaryn qoıyp, tushshymdy jaýaptar aldy.
Sóz barysynda aýdan basshysy Elbasymyz Nursultan Nazarbaevtyń bıylǵy Qazaqstan halqyna arnaǵan Joldaýynda aıtylǵan elimizdegi «shaǵyn orta bıznesti» damytýdyń mańyzdylyǵyn aıta kele, «Yrys-órkendeý» baǵdarlamasy sharýalardyń memlekettik qoldaýlar men jeńildikterdi tıimdi paıdalanýyna úlken múmkindik beretinin tilge tıek etti.
Jalpy Otyrar aýdanynda 2018 jyldyń 8 aıynda negizgi kapıtalǵa tartylǵan ınvestısıa kólemi 8 mlrd 57 mln 100 myń teńgeni quraǵan. Ol 2017 jyldyń esepti merzimimen salystyrǵanda 103,3 paıyzdy qurady. Sondaı-aq aýdannyń ónerkásip kásiporyndarynda 11 mlrd 944 mln 800 myń teńgeniń ónimi óndirilip, ónerkásip óniminiń naqty kólem ındeksi 104,7 paıyzǵa jetti. «Yrys» mıkroqarjy uıymy 2009 jyldan bastap kúni búginge deıin jalpy somasy 1 mlrd 519 mln 800 myń teńgeni quraıtyn 952 jobany qarjylandyrsa, onyń 61 jobasy 2018 jyldyń 9 aıyna tıesili bolyp otyr.
