Onyń aitýynsha, 2019 jylmen salystyrǵanda byltyr aiaqtalǵan azamattyq ister sany 7987-ge, ákimshilik ister 3632-ge azaiǵan.
– Pandemiiaǵa bailanysty, barlyq isti qashyqtan qaraýǵa májbúr boldyq. Jumysymyz eshqashan toqtaǵan joq. Kúndelikti jumysymyzdy durys atqaryp, isterdiń merziminiń buzylýyna jol bermedik. QR Joǵarǵy sotynyń bastamasymen birqatar zań aktisine ózgerister men tolyqtyrýlar engizildi. Sonyń saldarynan kóptegen azamattyq is notariýstarǵa, al sanktsiialaý prokýratýra organdaryna berildi. Máselen, 2020 jyly 69 ákimshilik quqyq buzýshylyq memlekettik organdardyń qaraýyna tapsyryldy. Osy atqarylǵan jumystardyń nátijesinde sotta qaralǵan isterdiń sany jyldan jylǵa kemip jatyr. Sondai-aq, keibir sanattaǵy azamattyq ister sotqa deiingi tatýlastyrý rásimderin qoldanady. Bul ádis arqyly da aryzdardyń sotqa túsýi azaidy, – dedi Nursapa Primashev.
Baspasóz máslihatynda Mańǵystaý oblystyq sottyń qylmystyq ister jónindegi sot alqasynyń tóraǵasy Erjan Qarabaev ta qatysty.
Onyń málimetinshe, 2020 jyldyń 12 aiynda Mańǵystaý oblysynyń sottarynda 2497 tulǵaǵa qatysty 2235 qylmystyq is qaraldy. Oǵan 1666 adam qatysty.
Aita keteiik, jalpy qylmystyq ister 2019 jylmen salystyrǵanda 198 tulǵaǵa jáne 190 iske kóbeigen. Onyń ishinde, QR QK-niń 188 baby – urlyq boiynsha: 2019 jyly 174 is, 2020 jyly 205 is, QR QK-niń 190 baby - alaiaqtyq: 2019 jyly 105 is, 2020 jyly 107 is, QR QK-niń 296 baby - esirtki, psihotroptyq zattardy ótkizý maqsatynsyz zańsyz jumys isteý: 2019 jyly 304 is, 2020 jyly 484 is, QR QK-niń 378 baby - bilik ókilin qorlaý: 2019 jyly 99 is, 2020 jyly 224 is.
Óńirde qaraqshylyq (34-ten 10 iske deiin), munai ónimderin zańsyz tasymaldaý, iemdený, ótkizý, saqtaý, sondai-aq munaidy qaita óńdeý (65-ten 17 iske deiin), jol júrisi nemese kólik quraldaryn paidalaný qaǵidalaryn buzý (67-den 53 iske deiin), kólik quraldaryn basqarý quqyǵynan aiyrylǵan, alkogoldik, esirtkilik jáne masań kúidegi adamnyń kólik quralyn basqarýy, sol siiaqty kólik quralyn osyndai adamnyń basqarýyna berý nemese kólik quralyn osyndai adamnyń basqarýyna jol berý (280-nen 167 iske deiin) sekildi qylmystyq ister qatary azaiǵan.
Qylmystyq isterdiń jazalaý tájiribesine qarai 2020 jyly 1830 adam sottalyp, onyń ishinde bas bostandyǵynan aiyrylǵandar sany – 523, iaǵni 28,5% bolsa, 2019 jyldyń 12 aiynda 1719 tulǵa sottalyp, onyń ishinde bas bostandyǵynan aiyrylǵandar sany – 350, iaǵni 20,3% bolǵan.
Esepti kezeńde barlyǵy 174 áiel adam, onyń ishinde 16-sy onsha aýyr emes, 37-si ortasha, 95-i aýyr, 5-eýi asa aýyr, 21-i teris qylyqpen jáne 1 áiel jeke aiyptaý boiynsha sottalǵan.
Sybailas jemqorlyqqa qatysty 2020 jyly 42 is aiaqtalyp, onyń ishinde 37 tulǵa sottalǵan (2019 jyly 43 is aiaqtalyp, 47 tulǵa sottalǵan).
Ister boiynsha 385 tulǵaǵa jalpy 183 mln 478 myń 423.5 teńge aiyppul salynyp, búginde 122 mln tg astamy óz erkimen tólengen.
Tatýlastyrý rásimderi boiynsha:
Aqtaý qalasynyń №2 soty, ekonomikalyq sot, Jańaózen qalalyq jáne Munaily aýdandyq sotynda 2018-2020 jyly «Sotqa deiingi tatýlastyrý» pilottyq jobasy iske asyryldy.
2020 jyly tatýlastyrý rásimimen 1831 azamattyq is aiaqtaldy.
Mańǵystaý oblysynda 8 tatýlastyrý ortalyǵy, 16 mediatsiia kabineti bar. Olardyń 12-si sotta, 5-eýi Mańǵystaý, Qaraqiia, Túpqaraǵan aýdandyq ákimdikterinde ornalasqan.
Oblys sottarynda 258 qylmystyq is, 1831 azamattyq is, 219 ákimshilik is mediatsiia rásimderimen aiaqtalǵan.
Sottardaǵy aqparattyq tehnologiia boiynsha:
Mańǵystaý oblysy boiynsha 45 sot zaly bar, olar 100% aýdio-video fiksatsiia qurylǵylarymen jabdyqtalǵan. 2020 jyly 94,5%-y qoldanyldy.
Pandemiia kezinde WhatsApp jáne zoom platformalary arqyly taraptar iske mobildi qosymshamen qatysty.
2020 jyly mobildi videokonferentsbailanysy arqyly 17034 sot otyrysy ótti, túzetý mekemelerimen 1127 protsess, jergilikti sottar arqyly 180 is qaraldy.
