Májilis depýtaty Nartai Aralbaiuly Qazaqstanda 1 millionǵa jýyq jas jumyssyz ekenin málimdedi, dep habarlaidy Dalanews.kz.
Depýtattyń sózinshe, ýákiletti organdar ótirik statistika jasaýmen ainalysyp júr.
"Ýákiletti organdar "mine biz jumys istedik" degendei kórsetedi. Biraq jastar praktikasy boiynsha beretin jalaqy 30 AEK. 110 myńnan sál asatyn qarajat. Eshkim ondai jalaqyǵa jumys istegisi kelmeidi. Sebebi buǵan ózińdi asyraý múmkin emes. Sondyqtan naqty usynys: 30 AEKten 40 AEKke kóterý kerek. Bul kóp máseleni sheshedi", deidi depýtat.
Sonymen qatar, aýyldyq jerlerge baratyn jastarǵa 45 AEK berý kerek.
"Mysaly dárigerdi tartý úshin 9 mln beremiz dep jatyrmyz. Jastardy da jumyspen qamtý úshin jastar tájiribesi arqyly aýylǵa eń bolmaǵanda 45 AEK bersek, ol da azǵantai problemany sheshedi dep oilaimyz. Odan bólek, Almaty oblysynda kásip bastaýǵa beretin arnaiy kreditter bar. Almaty oblysynda 2,5 paiyzdyq nesiege qajet qarjy bólinbei qalǵan. Baǵdarlama bar, aqsha joq, deidi depýtat.
Jastardyń kásip bastaýyna beriletin kreditter biýjet tapshylyǵynan toqtap qalǵan. Qaita jalǵastyrý kerek.
“Jastar praktikasy” boiynsha 1 jyl jumys istegen jastar keiin bul baǵdarlamaǵa qatysa almaidy. “Zeinetaqy qorynda aqsha bar” dep. Depýtat osy sheshimdi qaita qaraý keregin jetkizdi.
Sonymen qatar, kafe, restoranda qosymsha jumys istegen jastar men “Jasyl elde” qyzmet etken jastar “Jastar praktikasyna” qatysa almaidy. “Zeinetaqy jarnasy tólengen” dep. Muny qaita qaraý kerek!
QR IIM “Qazaqstandaǵy qylmystyń árbir úshinshisin jumyssyz jastar jasaitynyn” málimdegen. Depýtat bul úlken problema ekenin aitty.
"Jastar resýrstyq ortalyǵyna ákimdiktiń áńgirtaiaq oinatýyn toqtatý kerek! Ózim tóraǵalyq etetin Respýblikalyq Jastardy qoldaý keńesinde @jastar.kenesi “Jastar arasyndaǵy jumyssyzdyq” máselesin qaýzadyq. Usynystar ortalyq memlekettik organdarǵa joldandy", deidi Nartai Aralbaiuly.
